PASOWALAY ci Yis: ‘O paladaˈay ikakaay ko hemek to milayapay.’ (Dmak 20:35) Oniya safalod milingatay to kalalaˈed ita ci Yihofaan han? Milingatay. Mahemekay kita pafeli ci Yihofa kitaanan to adihayay makapahay a dafong, kawra ano pafeli kita to sapatelong ci Yihofaan, wa matongal ko lipahak no mita. Wa ngaˈay kita pafeli ci Yihofaan to maanan a sapatelong hani? Taneng 3:9 sanay: “Alaen ko safangcalay a kinaira no omah iso a pacakat to sapahemek [ci Yihofaan].” O toki ita, o inaneng, dafong sahtoay o “safangcalay a kinaira”. Saka dademaken ita koniya safangcalay a kinaira, midama to matatodongay a pidoko, o pafeliay to sapatelong ci Yihofaan, mihaen to demak o saka lipahak no niyah.

Samaan ko demak ita ho eca ka pawan patoˈaya to dafong ci Yihofaan hani? Pasowalan no tarokos ci Pawlo ko Korintoay a Krisciyang ‘misadak to pina payci’ a sapakiyaho. (1 Korinto 16:2) Ano sakafanaˈaw kiso to hapakayraan pakiyaho, nengneng ko sapatongal lalakaw.

O salicay pakayni pakiyahoay, itini i jw.org, iraay ko sapitadtad a lalakaw no roma kitakit to pakiyahoay a limasmas.