Maharatengayho Iso Han?
Misongilaˈan iso miˈosi ko ingataay liyad no Mikecolay han? Mamafanaˈ kiso pacaˈof to laenoay a salicay:
Samaanay paihkal ko Fangcalay Cudad to, iraay ko siniˈada no Kawas kitaanan?
Israil tamdaw malakoli i Icip itiyaho, maˈaraway no Kawas ko pades ato roray nangra. (Kasadakan 3:7; Isaya 63:9) Palecaden no Kawas to tireng Ningra kita a misangaˈ. Mansa iraay ko siniˈadaay falocoˈ no mita. Soˈlin awaay ko tatodong no niyah a kaolahen no Kawas, saan kita miharateng, kamayan ira ko siniˈada no Kawas kitaanan.—wp18.3, pp. 8-9.
O sapasifanaˈ ni Yis a kimad, samaanay padama to tamdaw pakafilo to misakakinihay harateng?
Itini i lintad ni Yis, iraay ko misakakinihay harateng no Yutaya. Mansa, misaˈicelay ci Yis pasowal to misapoeneray a capeling, ato mirikecay to saidahiay ko finacadan a harateng. Misaaliay cingra to Krisciyang, mahecad ko pinengneng to salikaka.—w18.06, pp. 9-10.
Cowa pacomoden no Kawas ci Mosi i Mikiˈokan a Pala, mikitini o mamananam ita ko maanan?
O widang ni Yihofa ci Mosi. (Limoˈot 34:10) Maraod ko 40 miheca malafel ko Israil i kohkoh, miliyaway cangra ngaliwngiw to kacangoˈot no nanom. Pasowalan no Kawas ci Mosi edengan palimoˈot to fakeloh, kawra setiˈan ni Mosi ko fakeloh. Telocto, mangolaway ci Yihofa, samanen caka pidofdof ni Mosi to sakayat Ningra, caka panokayen ni Mosi ko kafahkaˈan a ˈicel Cingranan. (Saˈosi 20:6-12) Mananamay ita to midofdof ato paˈdil ci Yihofaan, tada kalimlaan.—w18.07, pp. 13-14.
Tano potalay a lalangian pisawkit to tamdaw, hano mamararaw kita alatek?
Mitooran no tamdaw ko tolo potalay a lalangian misawkit to tamdaw—finacadan, hafay, mihecaan. O maminanam kita tano harateng ni Yihofa a minengneng to tao. (Dmak 10:34, 35)—w18.08, pp. 8-12.
O matoˈasay a salikaka ngaˈayay tano maanan pakayraan padama to tao hani?
Soˈlin mafalic ko katayalan no matoˈasay, kamayan misalimla ci Yihofa cangraanan. Hanaca, ngaˈayho padama to—cowa pihakelong a raramod no salikaka, halafin a cowa pitosil a salikaka, misikay to picekiwan, mirienang to masakenaay a mitosilay demak.—w18.09, pp. 8-11.
Iraay ko maanan a lalosidan ilalomaˈ no “Lalosidan no Sapasifanaˈ”?
Iraay ko kato no JW, satahidang, faloay makapahay ko pisafaco a tancang, Mikecolay ato Katalipaˈelal! Iraay ko kihpicay cudad, toha saka lalengo to tamdaw to Fangcalay Cudad a cudad, iraayho ko sepat ika, mahawpay ko Misamanay Hano Miasip to Fangcalay Cudad? —w18.10, p. 16.
O Krisciyang sasamaan “miˈaca to soˈlinay kimad”? (Taneng 23:23)
Cowa ko papayci kita a miˈaca to soˈlinay kimad, kawra sapilifokaw to soˈlinay kimad, mamisaˈicel kita ato mipalak to toki.— w18.11, p. 4.
O pakayraan ni Hosiya micada to fafahi ci Komilan, mamananam ita ko maanan?
Saliyaliyawsa ci Komil maˈaˈodang to tao, kawra misododan ni Hosiya cingra a miliyaw madadiˈi. Ano maˈodangay ko raramod, o makoracay a tamdaw ngaˈayay misodod a miliyaw madadiˈi to raramod, wa awaayto ko mihaian no Fangcalay Cudad a lalangian a malalikong.—w18.12, p. 13.