‘Kararid a Miakoˈid’
O MIAKOˈIDAY a tamdaw kako han? Ngaˈay haratengen ita koniya salicay. Paliˈayaway ko Fangcalay Cudad, itini lintad ita wa ˈaloman ko ‘cowa ka fanaˈ a miakoˈid’ a tamdaw (2 Timoti 3:2) O harateng no roma tamdaw, patado ko tao a midemak anca pafeli to dafong cangranan, o mamihaenhaen aca ko demak nangra sanay, cowa ka sapi akoˈidaw to tao. O hatiniay a tamdaw tada pasangaray a kalacafayen.
O Fangcalay Cudad palimoˈotay to finawlan ni Yihofa wa ‘paihkal to miakoˈiday a falocoˈ’, halo ‘kararid a miakoˈid.’ (Kolosay 3:15; 1 Tisalonika 5:18) Malo miakoˈiday a tamdaw o saka ciepoc no mita. Nengnengen ita ko pina a lalangian.
IRAAY KO MIAKOˈIDAY FALOCOˈ A TAMDAW MAHAPINANGAY TO CIEPOCAY KO NIYAH
Ano marariday kiso miakoˈid to tamdaw, wa pakahemek to tao, mamahemek ko niyah. Misamaanay hani? Ano iraay ko miakoˈiday a falocoˈ iso i, wa mafanaˈ iraay ko epoc no niyah saan a miharateng. Samanen ciharatengay ko tao tisowanan mansa makahi a padama tisowanan, o ciepocay a padama tisowanan wa saan ko harateng no tao. Ano misaaretengay ko tao tisowanan, masemeray tisowanan i, maedeng mamahemek kiso. Ci Lucu iraay ko hatiniay a nalifetan. Ci Powac hinapaladaˈay cingraanan, macadaay ningra ko kaciharateng no tao halo misaaretengay cingranan, wa mafanaˈto iraay ko epoc no niyah.—Lucu 2:10-13.
Mangalefay o aakoˈiden ita ko Kawas. Maharatengay iso nolatekay, padadotocay ci Yihofa padama tisowanan a miingid Cingraanan, halo pafeli tisowanan to adihayay a makapahay dafong han? (Limoˈot 8:17, 18; Dmak 14:17) Kawra, hamaan nolatekay aca miharateng to samanay ci Yihofa a hinapaladaˈ tisowanan, papalaken ko toki a midotim to adihayay sapalemed no Kawas tisowanan. Mihaen to demak, wa matongal ko piakoˈid iso to misangaˈay a Tatapangan, wa padama tisowanan a pakasoˈlin to maolahay Cingra ato masemeray tisowanan.—1 Yohani 4:9.
O mamidotim kita to hinapaladaˈ ni Yihofa ato saparaheker Ningra kitaanan, miakoˈidho kita to kangaˈay Ningra. (ˈOlic 100:4, 5) Cecay mikingkiway a tamdaw sanay: “O saka ira no hemek no tamdaw, pakayniay i kafanaˈ miakoˈid to tao,” sanay.
MIAKOˈIDAY A FALOCOˈ PATONGALAY TO KALAWIDANG
Paihkal to miakoˈiday a falocoˈ mamatongal ko kala widang to tao. Kita maemin maolahay milifok to pikasemer no tao, mansa ano nai falocoˈ a miakoˈid to sadama no tao, o kalalaˈed iso ato tao mamatongal ko kangaˈay. (Loma 16:3, 4) Roma i, o miakoˈiday to tao a tamdaw, makalimay cangra padama to tao, samanen miharatengay cangra to sadama no tao, halo sapatikolaw a padama to tao. Soˈlinayto, padama to tao wa pakahemek to falocoˈ no tamdaw, mahecad o sowal ni Yis: ‘Ikaka no nika hemek no milayapay ko nika hemek no mipafeliay.’—Dmak 20:35.
O singsi no taˈangayay picudadan i Kalefoniya ci Lopote Amongs mikingkiway to pakayniay miakoˈiday falocoˈ, sanay: “Sakairaaw no miakoˈiday falocoˈ, hapinangen ita ko kalalaˈed no tamdaw o madadamadamaay, cowa ko pipadama aca ita to tao, micadaayho to sapadama no tao.” Hatiraay, itini 1 Korinto 12:21) Miakoˈiday ko falocoˈ a tamdaw wa miakoˈid to padamaay a tamdaw. Miceriday kiso miakoˈid toya padamaay tisowanan a tamdaw hokira?
no kaˈorip ita misaaliay kita to sapadama no tao, tinakoen misaday to kakaenen ato sapaising no mita. (MIAKOˈIDAY KO FALOCOˈ A TAMDAW PADADOTOCAY A TAWLIK
Palahad to miakoˈiday falocoˈ wa padama tisowanan padadotoc a tawlik. Mahecad o sapisefsef a lalosidan, o ponoˈ iso papadama tisowanan misamacay to cecay demak, misakahmaw to roma demak. Mansa ano iraay ko miakoˈiday a falocoˈ wa misamacay to tawlikay a demak, cowa ko pasangaray a demak. Iraay ko miakoˈiday falocoˈ wa ira ko tawlikay a harateng, o tawlikay a harateng wa mitongal to miakoˈiday a falocoˈ. Mihaenay mamahecad kiso to sowal ni Pawlo: ‘Pakayni i Tapang mararid a mahemek.’—Filipi 4:4.
O miakoˈiday a falocoˈ wa padama tisowanan mifalah to tatiihay a harateng. Haratengen hena o iraay ko miakoˈiday falocoˈ a tamdaw, wa maˈinap, masomad anca ngaliwngiw han? Iraay ko miakoˈiday falocoˈ a tamdaw cowa pisaareteng to dafong, samanen marenecay ko falocoˈ nangra, cowa ko mamicangacang to sapitongalaw to adihayay dafong.—Filipi 4:12.
SAˈOSIEN KO SAPALEMED NI YIHOFA TISOWANAN
Harateng ni Satan nanay pakayni masakenaay a pasangaray a matoled ko Krisciyang sanay. Maolahay cingra pakaˈaraw tisowanan malo mafasaway ko harateng, ngaliwngiway a tamdaw, samanen o hatiniay mafasaway a waywayan mamicara tisowanan milasil to ngaˈayay lihaf. Ira ko miakoˈiday falocoˈ iso, wa pakayni sapalemd ni Yihofa a mahemek, pakasoˈlin to sakiˈok Ningra. Mihaenay, o miakoˈiday falocoˈ malalitingay to minaroˈan no fangcalay ˈicel.—Kalatiya 5:22, 23.
Malo finawlan ni Yihofa, mihayay kiso toniya pakayniay i miakoˈiday a lalakaw, kawra padadotoc ira ko miakoˈiday falocoˈ ato tawlik ko harateng cowa ko madoloay a demak koni. Kawra hamaan a misawad, wa ngaˈay kiso palahad halo padadotoc ira ko miakoˈiday a falocoˈ. Toromiˈamiˈad ngaˈay kiso miharateng to aakoˈidan a demak i nokaˈorip. Ano mararid kiso mihaen, wa madolo paihkal to miakoˈiday a falocoˈ, o hemek iso wa mikikaka toya misamacayay to pasangaray a tamdaw. Ka rariden iso miharateng ko sadama no Kawas ato sadama no tao tisowanan, o mamahemek kiso. Tanamen tiliden ko pina ngaˈay akoˈiden a demak to romiˈamiˈad.
O sowal no mikingkiway, o tamdaw ano iraay ko miakoˈiday a falocoˈ, mararid paihkal to piakoˈid, o piharateng nangra wa mafalic malo tawlikay, o pinengneng ningra to demak wa ira ko tawlikay. Iraay ko miakoˈiday a falocoˈ a tamdaw soˈlinay o lipahakay a tamdaw. Mansa saˈosien ko sapalemed no Kawas tisowanan, haratengen ko tawlikay a demak i nokaˈorip, halo paihkal to miakoˈiday to tao. Hamaan ira ko o mamihaenhaen aca ko demak nangra sanay a harateng, ao ‘miakoˈid ci Yihofaan, samanen o ngaˈayay Cingra.’ Nanay ‘kararid a miakoˈid’ kita!—1 Rayray 16:34; 1 Tisalonika 5:18.