Oniya Rikec matiliday i Limoˈot 22:25-27, o misowalan itini cowa ko sasamaan misaˈosi to ciraraway koya faˈinayan, soˈlinay mararaw koya faˈinayan. Misaˈicelan noniya Rikec, samaanay misaˈosi ko misawkitay to makoracay koya fafahiyan. Nengnengen ita ko fafekang ato laeno a sinael.

Misowalan no fafekangay sinael a faˈinayan ‘itiniay i niyaroˈ’ pacieci madadiˈi to mikotiyaanto a limocedan. Ano mikotiyaanto koniya limocedan, o fafahito no tao cingra, mihaenay o maˈaˈodangay ko raraw noniya faˈinayan. Samaanay koya fafahiyan hani? Ano ‘taˈangay ko piowaw’ ningra, o mamatengil no tao a padama cingranan, kawra cowa pihaen cingra to demak, mansa malecad oya faˈinayan, masawkit to maˈaˈodangay ko raraw.—Limoˈot 22:23, 24.

Dotoc a sinael milengoay to roma a pakayraan, sanay ko sinael: ‘Ano itiniay i kohkoh malitemoh noya faˈinayan koya mikotiyaanto a limocedan, pacieci saan a miˈodang cingranan, oya faˈinayan aca ko papatayen, cowa ko sasayfangen koya limocedan, cowa pidemak cingra to sakapatay a raraw. Oniya pakayraan malecaday o milefoay to tao, mipatay to tao. Itiniay i kohkoh malitemoh noya faˈinayan koya mikotiyaanto a limocedan, soˈlin taˈangay ko piowaw noya limocedan, awaay ko padamaay cingraanan.’—Limoˈot 22:25-27.

Itini mahaenay a pakayraan, pakasoˈlinay ko misawkitay to makoracay koya limocedan, miharateng cingra maedeng ‘taˈangay ko piowaw’ noya limocedan, kawra awaay ko padamaay cingraanan. Mihaenay, cowa pidemak koya fafahiyan to maˈaˈodangay a raraw, kawra oya faˈinayan ‘pacieci’ sanay ‘miˈodang’ toya mikotiyaanto a limocedan, hato ciraraway to miˈodangay ato maˈaˈodangay a raraw.

Mihaenay, o mitadtadan noniya sinael, o sasamaan ko pisawkit to makoracay koya limocedan, kawra ngangaˈay mikitini toniya rikec, misaˈosi to ciraraway koniya faˈinayan to miˈodangay ato maˈaˈodangay a raraw. Ngaˈayay pakasoˈlinen ita misawkitay itiya, wa ‘misongilaˈ a mitiyawca’ toniya demak, mitoor to palinian no Kawas a misaˈosi to masadafdafay a pisawkit.—Limoˈot 13:14; 17:4; Kasadakan 20:14.