CACEKIWEN LALAKAW 22
Salofen ko Nanaman Iso a Micekiw!
Hapinangen o manan ko mikikakaay a masaka limlaan a demak.—FILIPI 1:10.
RADIW 70 Pafafidaˈ to Masaka Limlaan a Demak
KALIMLAAN NO LALAKAW *
1. O roma tamdaw hano caka ciharateng to sapicekiwaw hani?
ANINI mietan to sakaˈorip cowa ko madoloay. ˈAlomanay salikaka koˈdaway ko toki a micokang, ngaˈ maparoay ko saali no paro no lomaˈ. O roma i, maraayay ko katayalan adihayay ko mapalakay a toki. O roma toha sapipaririˈaw to paro no lomaˈ, o milotayay to tireng ko demak. Misaromiˈad a matayal ikor, tada marorayayto, awaayto ko saloˈingan a micekiw to cudad.
2. Ihacowaay a toki kiso a micekiw hani?
2 Soˈliˈlin hatira, oha mamilimasmas kita to toki a micekiw, hanaca calepen a micekiw ko Fangcalay Cudad ato mitepangan no likakawa a cudad. O kalalaˈed ita aci Yihofa ato mamilayap to midaˈocay ˈorip hokira, milingatay tora noka picekiw ita. (1 Timoti 4:15) O roma tamdaw maolahay pacerem a lomowad a micekiw, samanen pahanhanayto to dadaya hato talipaˈelalay ko ponoˈ. O roma tamdaw maolahay to dadaya, awaay ko micaraay a micekiw ato midotim.
3-4. O likakawa no Kawas samaanay mifalic to cacekiwen a lalakaw? Misamaanay hani?
3 Soˈlinayto, milimasmas to toki micekiw tada o masaka limlaan, kawra o manan ko cacekiwen ita hani? Wa saan ko harateng iso: “Tada adihayayto ko cacekiwen lalakaw, cowa ka dolo a mihaemin a minengneng.” O roma a tamdaw, mahaeminay a minengneng ko lalakaw, kawra o ˈalomanay salikaka awaay ko toki a mihaen to demak. Mahapinangay no Mikayatay Malohemay Malitengay i Congpo koni pakayraan, mansa
misaˈosiay cangra milowan to mitepangan cudad ato lalakaw i wangcan.4 Patinakoen, likakawa no Kawas cowato pitolic to Ninkang no Misawacayay Tamdaw ni Yihofa, samanen ngaˈayay kita i jw.org® wangcan ato JW Tilifi minengneng to mikowaday to falocoˈ a nalifetan. Nohatini, Mikecolay Sakiˈalomanay ato Katalipaˈelal!, cecay miheca toloayto a liyad ko mitepangan. O matiniay a noka pifalic, cowa ko sakairaaw no toki a midemak to cowa ko kalimlaan a demak, ao sapadamaaw kitanan misamacay to ‘mikikakaay a masaka limlaan a demak’. (Filipi 1:10) Dotoc mamilengo, wa isalakaten ita micekiw ko maanan a lalakaw, ato misamaan a milifok to haepoc.
O MANAN KO ISALAKATEN A MICEKIW
5-6. O manan ko sasasongilaˈen ita a micekiw hani?
5 O manan ko isalakaten ita a micekiw hani? Oha mamiˈosi to Fangcalay Cudad to romiˈamiˈad. Nohatini o miˈosian sinael i Mitosilay ato Nikaˈorip a saˈopo milowananto, toha sakairaaw no adihayay toki a midotim ato micalep a micekiw. O patosokan ita micekiw i, cowa ko sapilaheciaw aca to lipalipay a sinael, ao sapipatemeraw to Kimad no Kawas i falocoˈ no mita, hongaˈ matongal ko noka piingid ci Yihofaan.—ˈOlic 19:14.
6 O mananho ko sasasongilaˈen ita a micekiw hani? O papaliˈayaw a misaday kita to cacekiwen a Mikecolay ato lalakaw no Kasakopang a Picekiw, ato romaroma lalakaw no saˈopo. O roma i, aˈosien ita ko Mikecolay Sakiˈalomanay ato Katalipaˈelal!
7. Ano caka emin a minengneng ko kihcod a lalakaw i jw.org ato ika i JW Tilifi, hano aka a matoled ko falocoˈ hani?
7 Alatek wa saan miharateng ko roma tamdaw: “Misongilaˈan ako a micekiw kora lalakaw, kawra o lalakaw itini i jw.org ato ika i JW Tilifi tada adihayayto! Sasamaan a milaheci a minengneng hani?” Haratengen hena ko cecay tinakoan: Ano iraay ko patahekaay to kasasiromaroma a kaˈesoˈay a kakaenen i, wa mahaemin iso komaen ko cecacecay a kakaenen han? Edeng pina aca ko makaenay iso. Mahecaday, ano caka emin iso minengneng ko kihcod a mitepangan no likakawa a cudad, aka a matoled ko falocoˈ, ano misaˈicelay kiso ngaˈayayto. Nohatini mamilengo kita to mahawpay ko manan i noka picekiw, ato sasamaan millifok to sataˈangayay a haepoc.
SONGILAˈEN MISAMACAY A MICEKIW!
8. (1) Wa misamaan kita misaday to Mikecolay hani? (2) Mihaen ko demak mamilifok to manan a haepoc?
8 Ano micekiw kita i, aka sakaliki saan mikonis, ao sasamacayen ko falocoˈ misinanot to lalakaw, mikilim to sapacaˈof. Tinakoen, ano misaday to Mikecolay i, isalakaten minengneng ko kalimlaan no lalakaw, ikor nengnengen ko lalangian, dama lalangian ato sapilomal a salicay. Salikorto ngaˈ, songilaˈen a minengneng ko emin a lalakaw. Sinanoten ko salakatay a sowal no cecacecay fatac, ora salakatay a sowal padamaay kitanan cipinang to kalimlaan no fatac. Maharekto minengneng i, simsimen a miharateng ko kalaliting no fatac ato dama lalangian ato lalangian no lalakaw. Ano iraay ko kafokilan iso, tilid hanho, ikor ngaˈ mikilim to milingatay a lalakaw.
9. (1) Ano micekiw kita to Mikecolay i, hano misinanot to sinael no lalakaw hani? Ngaˈay kita misimsim to manan? (2) Mikitini i Yosuwa 1:8, cowa ko piˈosi aca to sinael, mamisamaanho sanay hani?
9 O micekiway to Mikecolay Saˈopo, papadama kitanan micalep a cipinang to Fangcalay Cudad. Mihaenay haw i, sinanoten ita ko sinael i lalakaw, mangalefay oya aˈosien a sinael, simsimen o manan a tilid ko midamaay to kalimlaan nora fatac. O roma i, palaken ko Yosuwa 1:8.
toki misimsim to miˈosian a sinael, haratengen to sasamanen kalasaka dademak i kaˈorip no niyah.—ˈOsien koWama wina pasifanaˈen ko wawa iso sasamaan a micekiw (Nengnengen ko saka 10 fatac) *
10. Mikitini i Hipray 5:14, itini i Pakalomaˈay Pidoko o wama wina hano pakafanaˈen ko wawa, misamaan micekiw ato mikilim to lalakaw sanay hani?
10 O wama wina mitokelay a mahemeken ko wawa to Pakalomaˈay Pidoko, oha papaliˈayaw a milimasmas cangra, manaokaniw pairaento ko mikiriwiˈay a kamok cowa ka saan. Ngaˈayay a malacafay a minengneng to pakafoladay a JW Tilifi, anca nolatekay malacafay a midemak to maamaan, patinakoen misangaˈ to taadoan no tamina ni Nowa. Itiya pakafanaˈ to wawa misamaan a micekiw, o masaka limlaan a demak, samanen maminanam ko wawa paliˈayaw a misaday to lalakaw no saˈopo. Ano tahalifa cangra to pasangar i picudadan i, maminanam cangra mikilim to milingatay a lalakaw. (ˈOsien ko Hipray 5:14.) Ano iraay ko nanaman nangra micekiw ko niyah i kalo romiˈad, mirienang sato to saˈopo ato taykay i, o mamisamacay a mitengil, soˈlinto ano cowa pasadak to ika i kasaˈopoan, o ngangaˈay cangra misamacay to falocoˈ. Manaokaniw, o sasasinanoten no wama wina ko pinangan ato mihecaan no wawa, misaˈosi to hahakowa ko toki misikay to Pakalomaˈay Pidoko.
11. Pakafanaˈ to pacekiwan tamdaw misamaan a micekiw hano masaka limlaan?
11 O pacekiwan ita a tamdaw o maminanam to mamisamaan a micekiw. Tiya satapang saho cangra micekiw i, soˈlin pikonis aca nangra to cacekiwen lalakaw ato sapacaˈof i kasaˈopoan i, mahemekayto kita. Nikawrira, o papasifanaˈenho ita cangra misamaan a mikilim to lalakaw, ato misamaan micalep a micekiw. Ano mihaen i, tahalifa sato to pasangar cangra i, o tatayni i mitepangan no mita a cudad mikilim to ngaˈayay sakadademaken a sapaini, ao cowa ko mamilicay to salikaka mamisamaan to demak cangra.
PATIRENGEN KO PATOSOKAN A MICEKIW
12. O manan ko patosokan no mita a micekiw hani?
12 Ano cowa ko maolahay minengneng to cudad a tamdaw kiso, alatek awaay ko hemek iso a micekiw. Nikawrira o mamaolahto kiso micekiw! Satapang saho hamaan sakoˈdaw han ko toki, palidlid han a mitongal ko toki. Manaokaniw patirengen iso ko patosokan a micekiw, ora masaka limlaan a patosokan i, oha sapingataaw ci Yihofaan. Kawra, iraay ko pina patosokan to kakaliki a madangar iso, patinakoen ano cowa ka fanaˈ kiso pacaˈof to manan a salicay no tao, wa ngaˈay kiso mikitini a mikilim to lalakaw, anca mikilim
to hapakayraan miremo to malitemohay iso a pasangar nohatini.13. (1) O kaemangay tamdaw ano sapaˈadingaw to pihakelongan i picudadan, ngaˈayay patireng to manan patosokan? (2) Samaanen iso kalasaka dademak ko sapalimoˈot no Kolosay 4:6 hani?
13 O micudadayho kiso a kaemangay han? O cafacafay iso alatek pakasoˈlinay to sinkalon, sapisawacayaw kiso to kimad no Fangcalay Cudad, kawra caay pakadangar kako wa saan kiso. Hay ano hatiraay i, o mamicekiw kiso! Patirengen ko tosa a patosokan: (1) Padamaen iso ko niyah a fanekfek ko nika pakasoˈlin to o Kawas ko misangaˈay to maamaan. (2) Pacakaten ko taneng iso a misawacay to soˈlinay kimad. (Loma 1:20; 1 Pitiro 3:15) Paisalakaten a miharateng: “Hano pakasoˈlin ko cafacafay to sinkalon hani?” Ikor songilaˈen a minengneng ko mitepangan a cudad no mita, mamahapinang iso mipaˈading to pihakelongan ita cowa ka hatira o niharatengan iso a pasangar. O ˈalomanay tamdaw saka pakasoˈlin cangra to sinkalon samanen o sowal no nima misakaretengan nangra a tamdaw, ano paˈarawen iso cangra to pinapina mahelaay iso a lalakaw i, mamapacaˈof ko sasa no falocoˈ nangra alatek.—ˈOsien ko Kolosay 4:6.
PALAHADEN KO KAOLAH A MICEKIW
14-15. Ano cowa ka tada mafanaˈ kiso to roma cudad no Fangcalay Cudad, salakat wa misamaan ko demak iso hani?
14 Ano o mamilengo kita i saˈopo to caka adihay ko fiedac a sapairasol a cudad i, kawra cowa ka tada mafanaˈ tora mitiliday tora cudad a mipairasolay tamdaw, saˈayaw ngaˈayay palahaden ko kaolah iso toniya cudad. Hay, misamaan a mihaen to demak hani?
15 Salakat licayen ko niyah: ‘Cima cingra, icowaay ko aroˈ ningra? O manan ko tayal ningra?’ Ano mafanaˈto o masamaanay a tamdaw cingra i, mamafanaˈ kiso hano mihaen ko pitilid ningra atora sapatinako ningra. Miˈosi kiso to Fangcalay Cudad ano sinanoten iso kora saka dademakan ningra a tilid i, o cacipinang kiso to capeling ato pinangan ningra.
16. (1) Ano sapadotocaw kiso a mafanaˈ to roma cudad no Fangcalay Cudad, wa ngaˈayho misamaan ko demak iso hani? (2) Tadtaden ko sinael no saka 16 fatac, misamaanay padama kitanan masaheci ko nika cipinang to Amos a cudad. (Nengnengen ko sapatongal lalakaw “ Paˈoripen Misaharateng ko Maˈoningay no Fangcalay Cudad.”)
16 Saka tosa i, mafanaˈ to ihacowaay a tiliden koni cudad, wa ngaˈay kiso itini ilalikoray no Faelohay Hekal Mihongyakan Fangcalay Cudad, itira iraay ko lalakaw to matiliday ko mihecaan to pitilidan tora cudad. Itini i Tanengnengan to Fangcalay Cudad a kihpicay cudad i, iraay ko lalakaw matiliday ko ngangan no pairasolay ato hongti no Israil ato Yutaya kitakit. Patinakoen, masamaanay ko tatiihay pakayraan no kitakit to sapisalofaw kora pairasolay hani? O cima a roma pairasolay ko maˈoripay itiya? Toha saka picalepaw cipinang, wa misolap kiso to masasiromaay a lalakaw. Ano sakafanaˈaw to kaˈorip no lalintadan ni Amos i, nengnengen iso ko 2 Hongti ato 2 Rayray a sinael, itiniay i taˈarawan no Amos 1:1 a matilid kora sinael. O roma i, ngaˈayay nengnengen iso ko Hosiya, samanen o kalalecadan a lintad maˈorip ci Hosiya aci Amos. Orira lalakaw papadama kitanan matongal ko kafanaˈ to masamaanay ko lintad ni Amos.—2 Hongti 14:25-28; 2 Rayray 26:1-15; Hosiya 1:1-11; Amos 1:1.
SINANOTEN KO KALIMLAAN NORA SINAEL
17. Mikitini tinakoan i fatac, misinanot to kalimlaan nora sinael hano papadama tisowanan ira ko hemek a micekiw to Fangcalay Cudad?
17 Ano miˈosi to Fangcalay Cudad i, sinanoten Cikariya saka 12 fedengan pakayni to kapatay ni Misiya. (Cikariya 12:10) Tangasa saka 12 sinael i, maˈaraway to mararomay a tomangic ko ‘lalomaˈan ni Natan’ to nika patay ni Misiya sanay. Itiya ngaˈayay miharateng: “Lalomaˈan ni Natan aci Misiya o manan ko kalalaˈed nangra hani? Wa misamaan cipinang kako to adihayay kalimlaan a lihaf hani?” Ngaˈayay “mitiwca” kiso. Sapaˈaraw a sinael to saka 12 a sinael i, matiliday i 2 Samuil 5:14, toniya sinael somowal to o wawa ni Tafiti ci Natan. Saka tosa taˈarawan sinael i, itiniay i Luka 3:31, somowalay koni sinael wina ni Yis ci Mariya o teloc ni Natan sanay. (Nengnengen kono Kowaping 2016 Mikecolay Sakiˈalomanay Saka 3 Liyad, 9 fiedac “Cima ko wama ni Yosif hani?”) Mafanaˈayto kiso to sapairasol to naitiniay i rayray no lomaˈ ni Tafiti ci Yis a masadak. (Matay 22:42) Nikawrira mataˈlifay ko 20 a wawa ni Tafiti, ˈarawhan mikiriwiˈay somowal ko Cikariya to nika somad a tomangic ko lalomaˈan ni Natan, tada masaka hemekanto kira.
ko kalimlaan no sinael. Tinakoen, ano miˈosi kiso to18. Saka dademaken ko tinakoan i fatac anca ono miso a nilifetan a mitadtad, misinanot to kalimlaan no sinael samaan padama tisowanan ira ko hemek a micekiw to Fangcalay Cudad.
18 Nengnengen ita ko roma tinakoan. Saka 1 fedengan no Luka, tayraay ci Kapriil milisoˈ ci Mariyaan, milasil to mamahofoc cingra to cecay faˈinayan wawa, sowal sa ci Kapriil: “O tatadamaan cingra, o wawa no Satadamaanay a Kawas wa han cingra. O papatirengen no Kawas cingra a palahongti a matiya o nika lahongti ni Tafiti o tatoˈasan ningra. O mamidaˈoc cingra a mikowan to teloc ni Yakop. Caay ko cacitolas ko pikowan ningra.” (Luka 1:32, 33) Tohati:niay ora salakatay a sowal ko misinanotan ita, to “o wawa no Satadamaanay a Kawas” ci Yis. Kawra pasowalay ci Kapriil to mamala Hongti cingra, hay samaanay ko tatodong noni ci Mariyaan saw. Nao miharatengay ci Mariya to mamikotay ci Hirotian a malahongti ci Yis a mikowan to Israil sanay han? Ano mahaenay, wa mamalo wina no hongti ci Mariya, aitira i lomaˈ no hongti a maroˈ cingra kira. Kawra awaay matilid to mihaenay ci Mariya a milicay ci Kapriilan, anca matiya toya tatosa a nisawawaan ni Yis, milicay to saka iraaw no mikiriwiˈay saaroˈan i Hongti Kitakit. (Matay 20:20-23) Oniniya kalimlaan no sinael papadama kitanan mafanaˈ, o misapoeneray a fafahiyan ci Mariya.
19-20. Itini i Yakop 1:22-25 ato 4:8, o manan ko patosokan ita micekiw hani?
19 Haharatengen ita, micekiw to Fangcalay Cudad ato mitepangan cudad no likakawa, oha sapingataaw ci Yihofaan. O ngangaˈay kita pakayni noka picekiw a mafanaˈ to “masamaanay a tamdaw” kita, ato mamisamaan a misalof kita ngaˈ pakahemek ci Yihofa. (ˈOsien ko Yakop 1:22-25; 4:8.) ˈAyaw no kahacecay a noka picekiw, tolonen ci Yihofa, misaali to fangcalay saocor Ningra. Ngitangiten Cingra padama kitanan milifok to taˈangayay epoc, ato pahapinang kitanan to mamisalof kita to maanan.
20 Sanay ko sowal no ˈOlic to madimadiay sikawdan no Kawas: ‘Maolah cingra to rikec ni Yihofa, maolah cingra a miˈosi tonini a cudad to romiˈad to dadaya. . . . Ano o maan ko nidemakan ningra i, malaheci a maemin.’ (ˈOlic 1:2, 3) Nanay, maolah kita to rikec ni Yihofa a milifok to haepoc!
RADIW 69 Pasifanaˈen Kako to Lalan Iso
^ 5段 Ci Yihofa o hinapaladaˈay, kadofahay a pafeli kitanan to mitepangan cudad ato ika. Oni lalakaw papadama kitanan mipiliˈ to cacekiwen a lalakaw, halo pafeli to ngaˈayay sakadademaken a sapaini, hongaˈ ciepoc ko noka picekiw no mita.