Misongilaˈan iso miˈosi ko ingataay liyad no Mikecolay han? Mamafanaˈ kiso pacaˈof to laenoay a salicay:

O manan a sepat sapaini ngaˈay padama kitanan, misalof to ngiha no radiw?

Saˈakawangen a mitatoy ko cudad no radiw, micaˈa to falohang, halo matatodong a pasaselaˈ. Ano ngatowaˈen ko ngoyos a romadiw, wa taˈangayto ko ngihaˈ.​—w17.11, p. 5.

O kitiraan no pilimekan a niyaroˈ ato katayraan a lalan, iraay ko maanan mikiriwiˈay hani?

Enemay ko pilimekan a niyaroˈ, makapahay ko lalan tayra pilimekan a niyaroˈ. Mihaenay wa tangsol ko coko padetengay a mipatay milimek itira.​—w17.11, p. 14.

O sapafeli no Kawas a sapatefoc, misamaanay hano o sakalimelaan a sapatelong hani?

Mirenecay ko sapatefoc to tokel ita to saka tahadaˈocaw a maˈorip, padamaay kitaanan miliyas to raraw ato patay. Maolahay ko Kawas to teloteloc ni Atam, mihaenay tiya cirarawho kita i, kinafalahay ci Yis a malo sapatefoc.​—wp17.6, pp. 6-7.

ˈOlic 118:22, iraay ko maanan kalaliting to piliyaw ni Yis a maˈorip?

Mifalahan mipatayan no tamdaw ci Yis, ano mamalo ‘taˈenengan a fakeloh no lomaˈ’ cingra i, miliyaw maˈorip ci Yis ngaˈ.​—w17.12, pp. 9-10.

O kadadoedo no tatoˈasan ni Misiya, sahetoay o cinganganay to fisac a wawa han?

O matiliday kadadoedo no tatoˈasan ni Misiya, cowa ka saheto saan o fisac a wawa. Tinakoen ci Tafiti cowa ko fisac a wawa ni Yisi, kawra malo tatoˈasan ni Misiya cingra.​—w17.12, pp. 14-15.

O maanan a safalod no Fangcalay Cudad, milingatay to sifanaˈ no ising?

Saˈosi no Sarikec ni Mosi, o roma adada no tamdaw wa miliyas to ˈalomanay, ano matefing ko mapatayay wa misawsaw to kamay, o tayiˈ ato isiˈ songilaˈen a milosimet. Saˈosi no sarikec sakafalo romiˈad a hofocen ko faˈinayan a wawa, mamicada to kerit, samanen hofochanho a wawa kahenayay a maˈalitad ko ˈirang.​—wp18.1, p. 7.

Maolah to niyah hano coko mararaway hani?

Sanay ko sowal ni Yis: ‘Matiraen o niyah a maolah to tao.’ (Marko 12:31) O sowal no Fangcalay Cudad: “O sasamatiyaen no faˈinay o nika olah to tireng ko nika olah to fafahi.” (Ifiso 5:28) Kawra, misatekeday ko tamdaw maolah to niyah alatek.​—w18.01, p. 23.

Samaan ko demak ita wa ngaˈay matongal a matenes i noˈadingoan hani?

Micekiw to Kimad no Kawas, misimsim to maˈosiay a lalakaw, misaˈicel a saka dademak to minanaman. Papikayaten ita ko fangcalay saocor to harateng ato waywayan no niyah, hanaca pairaen ko miakoˈiday a falocoˈ micada to sapadama no tao.​—w18.02, p. 26.

Hano caka ngaˈay kita pakayni i miangangay ato miˈedaway a cipinang to hanoikor?

Adihayay ko lalangian, kawra sakakaay i, mapiliˈay ko Kawas to masa kenakenaay a miˈedaway.​—wp18.2, pp. 4-5.

Pakayni pitahidang no tao kitaanan a mitahka, wa samaan ko pinengneng hani?

Micadaayto kita to satahidang no tao i, tooren ko sowal. (ˈOlic 15:4) Aka a palasawaden. Samanen mitahidangay a tamdaw adihayay ko misadayan alatek.​—w18.03, p. 18.

O malohemay malitengay ato padamaay a sikawdan mikitini ci Timotian ngaˈay mananam ko maanan?

Soˈlinay a ciharateng ci Timoti to tao, paisalakat to noˈadingoan a demak, misaˈicel to fangcalay a demak, misakadademak to minanaman. Padotocay cingra pahatatanam to niyah, halo pitadiˈec to fangcalay saocor ni Yihofa. O malohemay malitengay ato roma roma tamdaw, wa ngaˈay mitodong to taˈarawan ni Timoti.​—w18.04, pp. 13-14.