CACEKIWEN LALAKAW 25
Tadiˈecen ko Sadama ni Yihofa Miremo to Saroero
Mararomay ko falocoˈ ako.—1 SAMUIL 1:15.
RADIW 91 Wama Ako, Kawas ato Widang Ako
KALIMLAAN NO LALAKAW *
1. Hano sasinanoten ko sapirikec ni Yis hani?
MASOWAL ni Yis ko saikoray romiˈad i, sanay: ‘Pinaˈon kamo, hoeca ka . . . kareteng a mapaekel no cariraw no sakaˈorip ko falocoˈ namo.’ (Luka 21:34) Hano sasinanoten ita ko sapirikec ningra hani? Samanen anini, adihayay ko masiˈayaway no tamdaw a saroero, mahawpay ko Krisciyang.
2. O roma salikaka tahalifaay to maanan pasangaray?
2 Latekay, cowa ka cecay aca ko masiˈayaway ita a pasangaray. Tinakoen, salikaka ci Yohani *, ciadadaay cingra to koicaway ko tatirengan, taˈangayay ko roray, oya 19 miheca mararamod a fafahi ningra miliyasay cingranan, matongal ko roray. Ikor, oya tatosaay fafahiyan wawa ningra, cowato pidoko ci Yihofaan. Salikaka ci Pawpo aci Linta oniya mararamoday na tahasiˈayaway to cowa ka lecad a pasangaray. Malahdaway ko katayalan ato lomaˈ nangra, roma i, ciadadaay tono falocoˈan ci Linta, mamapatay cingra alatek, hanaca ciadadaayho to mipalakay to sapicoˈay no tireng to fayking.
3. Pakayni i Filipi 4:6, 7, hano pakasoˈlin kita to makalimay ci Yihofa padama kitanan hani?
3 Ngaˈayay masayar ko falocoˈ ita, o misangaˈay a Tatapangan ita, sidaˈitay a Wama ci Yihofa cipinangay to pifiyor no saroero kitanan, makalimay sapadamaaw kitanan. (ˈOsien ko Filipi 4:6, 7.) Adihayay ko maˈoningay i Fangcalay Cudad a nalifetan no madimadiay sikawdan misiˈayaw to pasangaray, milengoayho samaanay ci Yihofa padama cangranan. Dotoc, nengnengen ita ko pina tinakoan.
CI ILIYA—“MALECADAY TITAANAN CINGRA AO TAMDAW”
4. Misiˈayaway ci Iliya to maanan pasangaray? Mikifalocoˈay a mafanaˈ cingra to maanan hani?
4 Tiya matayal ci Iliya saki Yihofaan i, tahalifaay to adihayay pasangaray ato sapalifet. Itiya oya cowa ka madimadi a hongti ci Ahap ko mikowanay to Israil, o fafahi ningra ci Yicipil midokoay ci Paalan, o tatiihay a fafahiyan. Cangra mararamod micowatay to pidoko ci Paalan i Israil, adihayay ko mipatayan a pairasolay ni Yihofa. Malaliway ni Iliya ko sapipatayaw nangra, ikor padamaan ni Yihofa cingra milakowit to pakidemay a kedal. (1 Hongti 17:2-4, 14-16) Milengatan ni Iliya ko pairasolay ni Paal ato midokoay ci Paalan a tamdaw, halo palimoˈot to Israil tamdaw midoko ci Yihofaan. (1 Hongti 18:21-24, 36-38) Itini toniya pasangaray ato sapalifet, mikifalocoˈay a mafanaˈ ci Iliya to sadipot ato sadama ni Yihofa cingranan.
Miocoran ni Yihofa ko coyoh patalifak ci Iliyaan (Nengnengen ko 5-6 fatac) *
5-6. Pakayni i saka 1 Hongti 19:1-4, samanay ko harateng ni Iliya? Samanan ni Yihofa padama ci Iliya hani?
5 ˈOsien ko 1 Hongti 19:1-4. Nikawrira, tiya sapipatayaw ci Yicipil ci Iliyaan i, matalaway ci Iliya milaliway tayra i Pirsipa. Tada matoleday cingra, sakapatayaw sanay. Hano ira ko mahaenay harateng ningra hani? Samanen cowa ko malefotay a tamdaw cingra, “malecaday titaanan cingra ao tamdaw.” (Yakop 5:17) Tahacada cingra to taˈangayay saroero malotayay ko tireng. Na pakalalokay cingra to tao midoko to Kawas, nohatini sato awaay ko epoc no demak sanay cingra miharateng, samanen edengan cingra ko midoko ci Yihofaan, polong no Israil awaay ko masalofay. (1 Hongti 18:3, 4, 13; 19:10, 14) Mahaen ko harateng ni Iliya ato nafalocoˈan, fahkaˈay kiso alatek, kawra ihkalay ko kafanaˈ ni Yihofa cingranan.
6 Cowa ka rikecen ni Yihofa ci Iliya, hano ira ko mahaenay a harateng, padamaan ci Iliya patatikol ko ˈicel. (1 Hongti 19:5-7) Ikor, pakayni i sapadamaaw ci Iliyaan fanekfek ko harateng, itiniay i ˈaˈayaw ningra paihkal to kafahkaˈan a ˈicel, halo pasowal cingranan itini i Israil iraay ko 7 patek a tamdaw cowa pidoko ci Paalan. (1 Hongti 19:11-18) Mihaen ko sapadama, pasifanaˈan ni Yihofa ci Iliya tada maolahay Cingra cinganan.
SAMANAY CI YIHOFA PADAMA KITANAN
7. O maˈoningay pakayni i pipadama ni Yihofa ci Iliyaan, hano ngangaˈay misayar kitanan hani?
7 Tahasiˈayaway kiso to taˈangayay saroero han? Mafanaˈ to cipinangay ci Yihofa to nafalocoˈan ni Iliya, coko taˈangayay ko sasayar kitanan han? Maedeng cipinangay ci Yihofa to roray no falocoˈ ita. Mafanaˈay cingra to tolas no ˈicel ita, cipinangayho to harateng ato nafalocoˈan ita. (ˈOlic 103:14; 139:3, 4) Malecad kita ci Iliyaan mitadiˈec ci Yihofaan, oha papadama Cingra kitanan miremo to saroero.—ˈOlic 55:22.
8. Wa samaan ci Yihofa padama tisowanan miremo to saroero?
8 O saroero mifasaway to harateng, matoleday ko falocoˈ. Ano iraay ko mahaenay harateng iso, tadiˈecen ci Yihofa, o papadamaen Ningra kiso. Wa samaan Cingra padama tisowanan hani? Tokel ni Yihofa tisowanan fanaˈen Cingra to calemcem no falocoˈ iso, o papacaˈofen Ningra kiso. (ˈOlic 5:3; 1 Pitiro 5:7) Mihaenay, ka padadotoc a mitolon, fanaˈen ci Yihofa to pasangaray iso. Soˈlin cowa ko mamisiˈayaw Cingra a pasowal tisowanan, kawra o papakaynien Ningra i Fangcalay Cudad ato likakawa ningra a pacaˈof to satolon iso.—Loma 15:4; Hipray 10:24, 25.
9. Ngaˈayay tadiˈecen a widang wa ngaˈay pafeli kitanan to maanan a sapadama?
9 Palimoˈotan ni Yihofa ci Iliya patorod to tayal ci Ilisaan, mihaen, wa ira ko ngaˈayay hacafay ni Iliya, hanaca, ano matoled ko falocoˈ i, ngaˈayay masasi pakowakowad. Anini, ano fanaˈen ita ko ngaˈayay tadiˈecen a widang to nafalocoˈan i, oha mamidama kora widang kitanan. (2 Hongti 2:2; Taneng 17:17) Ano awaay ko mahaenay a widang iso, tolonen ci Yihofa, micangacang Cingranan padama tisowanan, mahela ko matenesay a Krisciyang a pakalalok tisowanan.
10. (1) O nalifetan ni Iliya hano ngaˈay pakalalok kitanan? (2) Isaya 40:28, 29 a sinael mikiˈokay kitaanan to maanan hani?
10 Padamaan ni Yihofa ci Iliya miremo to saroero, hato halafinay cingra madimadi a matayal, tada pakalalokay konini kitanan. Soˈlin halafin kita misiˈayaw to taˈangayay saroero a maroray, ano tadiˈecen ita ci Yihofa, o papafelien Ningra kita to ˈicel, padama kitanan padadotoc a matayal saki Cingranan.—ˈOsien ko Isaya 40:28, 29.
NOLITENGAN MADIMADIAY SIKAWDAN MITADIˈECAY CI YIHOFAAN
11-13. Pakayni i macadaay a saroero samanay ko harateng no tatoloay madimadiay sikawdan no Kawas hani?
11 Itini i Fangcalay Cudad milengoay to malifaay no roma madimadiay sikawdan a sapalifet. Tinakoen, ci Hana samanen 1 Samuil 1:2, 6) Taˈangayay ko macadaay ni Hana a saroero, tada masomaday, o losaˈ ko sapisifin ningra to laway, cowa ka sakakomaenaw cingra.—1 Samuil 1:7, 10.
cowa ka ngaˈay ciwawa, tada mangodoay, ci Pinina padadotocayho a malikaf cingranan. (12 Hongti ci Tafiti tahasiˈayaway to masakenaay a pasangaray, taˈangayay ko saroero. Pakayni i kararaw makesemay ko harateng. (ˈOlic 40:12) Mitowakangay ko wawa ningra ci Apsalom, ikor mipatayan no tao. (2 Samuil 15:13, 14; 18:33) Mipacakayanho no pakasoˈlinan ningra a widang. (2 Samuil 16:23–17:2; ˈOlic 55:12-14) O mitilidan ni Tafiti adihayay a ˈolic, mitadtaday to matoleday a harateng ningra, kawra paihkalay to tanoktokay a pakasoˈlin ningra ci Yihofaan.—ˈOlic 38:5-10; 94:17-19.
O maanan ko padamaay to mitiliday to ˈOlic miliyaw a lipahak matayal saki Yihofaan hani? (Nengnengen ko 13-15 fatac) *
13 O cecay mitiliday to ˈOlic a tamdaw, na masemeray to kaˈorip no tatiihay tamdaw. Oniya tamdaw ono Lifi ngasaw, o teloteloc ni Asaf, itiniay i fangcalay sefi no Yirusalim a matayal. O macadaay ningra a saroero, palahdaway to lipahak ningra, cowa ka saloen to kaˈorip no niyah, awaay ko epoc a matayal saki Kawas sanay miharateng.—ˈOlic 73:2-5, 7, 12-14, 16, 17, 21.
14-15. Mikitini i malifetay noniya tatoloay madimadiay sikawdan mananamay ita ko maanan hani?
14 Oniya tatoloay madimadiay sikawdan, mitadiˈecay ci Yihofaan, faedetay ko harateng a mitolon, mifanaˈ ci Yihofaan to kacarirawan no niyah, Awaay ko maˈosaway nangra a mifanaˈ to Kawas to hano taˈangay ko saroero no niyah, padadotocayho tayra i pidokoan ci Yihofaan a kitiraan midoko Cingranan.—1 Samuil 1:9, 10; ˈOlic 55:22; 73:17; 122:1.
15 Siniˈadaay ci Yihofa toniya madimadiay sikawdan, mihacecayay a pacaˈof to satolon nangra. Parihadayan Ningra ko 1 Samuil 1:18) Sowal ni Tafiti: ‘Adihayay ko pades no moecelay tamdaw, kawra milidongan ni Yihofa cingra paliyas to kihcod.’ (ˈOlic 34:19) Oya mitiliday to ˈOlic ikorto, malecaday mikitingay to kawanan a kamay ningra ci Yihofa, sanay a miharateng, tano sidaˈitay a limoˈot a mikayat cingranan. Romadiway cingra mihadak to harateng: ‘Kako saan, ciepocay takowanan miingid to Kawas; wa pasayra kako i saˈakawangay a Tatapangan ci Yihofa micangacang to sadipot.’ (ˈOlic 73:23, 24, 28) Mikitini i toniya maˈoningay, mananamay ita ko maanan? Latekay pakayni i pasangaray taˈangayay ko saroero ita, kawra ano dotimen ita samanay ci Yihofa padama to sikawdan Ningra, hanaca pasayra Cingranan mitolon ato padadotoc a mitoor to limoˈot Ningra a midemak, wa malaˈosi ko piremo to saroero.—ˈOlic 143:1, 4-8.
falocoˈ ni Hana. (MITADIˈEC CI YIHOFAAN MAREMO KO SAROERO
O cecay salikaka na cowa ka ciharateng micawmaˈ to tao, kawra ikor misaˈicelay cingra ciharateng to tao, ato sangaˈay sanayto ko harateng (Nengnengen ko 16-17 fatac)
16-17. (1) Hano caka ngaˈay kita masiwatik hani? (2) Samaan ko demak ita ngaˈ miliyaw a talifak hani?
16 O malifetay noniya tatoloay madimadiay sikawdan pananamay kitanan to roma kalimlaan a kimad: Aka a piliyas kita ci Yihofaan ato finawlan ningra. (Taneng 18:1) Ci Nansi na miliyasan no faˈinay a misiˈayaw to taˈangayay saroero, sanay: “Latekay, pinaay romiˈad kako caka ciharateng masasowal anca masasoˈaraw to tao. Kawra ano misiwatik kako, matongalay ko somad no falocoˈ.” Kawra, tiya misaˈicel ci Nansi padama to tahapadesay a tamdaw i, mafalicayto ko pakayraan. Sanay: “Misongilaˈ kako mitengil to pipasowal no tao to nafalocoˈan, misamacay to harateng i tireng no tao i, cowato ka piharateng to kasiniˈadaan ko niyah.”
17 Mirienang to saˈopo padamaay takowanan miliyaw a talifak. Mirienang kita to saˈopo, pairaay to toki ni Yihofa padama ato misayar kitanan. (ˈOlic 86:17) Masaˈopo i, pakaynian ni Yihofa i fangcalay saocor, o Kimad Ningra ato salikaka pakalalok kitanan. O saˈopo pairaay to toki ita ‘mapakalalolalok.’ (Loma 1:11, 12) O cecay fafahiyan salikaka ci Sofiya, sanay: “Ci Yihofa ato salikaka padamaay takowanan padadotoc a tanektek, o saˈopo taˈangayay ko sadama takowanan. Ano misaˈicel kako a mitosil, mararid mirienang to cawmaˈ no kasakopang, matongalay ko ˈicel miremo to saroero ato cariraw.”
18. Ano matoled a maˈisangay kita i, samanay ci Yihofa padama kitanan hani?
18 Ano matoled a maˈisangay kita i, haratengen ko sakiˈok ni Yihofa, cowato ko mamisiˈayaw kita noikor to pasangaray, nohatini makahiyay Cingra padama kitanan miremo to saroero, pafeliay Cingra to haˈicel ita miremo to somad ato matoleday harateng.—Filipi 2:13.
19. Itini i Loma 8:37-39 mikiˈokay kitanan to maanan hani?
19 ˈOsien ko Loma 8:37-39. Somowalay ko tarokos ci Pawlo awaay ko maanan to mamipaliyas to olah no Kawas kitanan, o sowal ningra tada parihadayay to falocoˈ ita. Ano tahasiˈayaw ko salikaka to saroero i, wa samaan kita padama cangranan hani? Dotoc a lalakaw wa milengo to, sasamaan kita mitodong ci Yihofaan, padama to salikaka ato paihkal to siniˈaday a falocoˈ cangranan.
RADIW 68 Satolon no Mararomay Tamdaw
^ 5段 Ano halafin anca pakidem ko macadaay no tamdaw a saroero madokaˈay ko tireng ato falocoˈ. Ano misiˈayaway kita to saroero, wa samaan ci Yihofa padama kitanan hani? Wa nengnengen ita samanay ci Yihofa padama ci Iliyaan miremo to saroero. Padamaayho ci Yihofa to roma madimadiay sikawdan, mikitini i malifetay nangra mamananam ita, ano tahasiˈayaw to saroero i samaan micangacang to sadama ni Yihofa.
^ 2段 O ngangan noniya lalakaw cowa ko soˈlinay.