SAPAINI A PAKAYRAAN MICEKIW
Sapaini a Pakayraan Micekiw
Cowa ko pirienang aca ita to saˈopo ato taykay makomoday a midokoay demak, wa misatekedho anca malacafay to paro no lomaˈ midoko ci Yihofaan. Ilaenoay itini notekedan a picekiw ato pakalomaˈay pidoko i, iraay ko pina dadademaken:
-
Misaday to saˈopo, mahawpay ko pihatatanam to radiw no saˈopo, padama to paro no lomaˈ misaday to cecay sapacaˈof.
-
Miasip to cecay maˈoningay no Fangcalay Cudad, ikor micoka to cecay a demak nonini maˈoningay, anca mitilid to mananamay iso ko maanan.
-
Mifolfol to cecay satolon i Fangcalay Cudad, dotoc saharateratengen anca malacafay milengo, sasamaan misalof to kangaˈay no satolon no niyah.
-
Nengnengen ko cecay ika i jw.org wangcan, dotoc hadaken ko mananamay no niyah anca tiliden o manan ko mananamay iso.
-
Misaday to mitosil. Nolatekay kiso ato paro no lomaˈ ngaˈay todongen a mihatatanam ko pakayraan mitosil.
-
Nengnengen mihapinang ko misangaˈan ni Yihofa a maamaan, dotoc songilaˈen midotim anca paladaˈen ko tao, mikitini i masangaˈay mahapinangay iso ko maanan makapahay capeling ni Yihofa. a
a Nengnengen ko Mikecolay Saka 3 Folad, 2023, “Pakaynien i Nisangaˈan ni Yihofa a Maamaan Mitongal to Kafanaˈ Cingranan.”