“Ano matoled kako i, pakaynian ni Yihofa i radiw no JW Tilifi pakalalok takowanan.”—Loran, Padaka.

O pidoko no Krisciyang mahawpay ko romadiway a pakahemek ci Yihofaan. (Kolosay 3:16) Ano paifalocoˈen iso miharateng konini radiw, soˈlinto awaay i kamay iso ko cudad no radiw anca soci, onini a radiw tataˈangay ko nika pakalalok tisowanan. Ano ciharatengay kiso paifalocoˈen a miharateng konini radiw i, ngaˈayay tanamen ko ilaenoay sapaini.

• Songilaˈen a miasip ko ˈolic no radiw, halo cipinang to ilalomaˈay a tatodong. Ano cipinang kiso to tatodong i, madoloto a maharateng i falocoˈ. O polong a radiw no mita, mahawpay ko JW Tilifi radiw ato no wawa a radiw, ngangaˈay mikitini jw.org wangcan a mahela. Salakat mikilim to Pitelian to Lalakaw no Wangcan, ikor mikilim to Ongkak.

• Todongen a mitilid ko ˈolic no radiw. Mihaen ko pidemak iso i, wa madoloto paifalocoˈ a miharateng tonini a ˈolic no radiw.—Limoˈot 17:18.

• Sataˈangayen ko ngihaˈ a mihatatanam. Saliyaliyawen a miasip ko ˈolic no radiw anca radiwen.

• Tanamenho iso. Ano eca ka pinengneng to ˈolic no radiw, hahakowa ko maharatengay iso.