To sapakahemekaw ci Yihofaan, papairaen ita ko pakasoˈlinay falocoˈ. Kawra sowal no Fangcalay Cudad: ‘Cowa ka sahto sa ira ko pakasoˈlinay falocoˈ no tamdaw.’ (2 Tisalonika 3:2 ato roma pihongyak.) O nisowalan no tarokos ci Pawlo itini awaay ko pakasoˈlinay falocoˈ a tamdaw, mitoroˈan i, oya mihakokayay cingranan a ‘mariˈangay a tamdaw.’ ˈArawhan cowa koninian aca tamdaw to cowa pakasoˈlin to Kawas. Romaroma tamdaw misakahmaway to wacay no nika pisangaˈ no Kawas to paro no kakarayan, caka pihayi to iraay ko Misangaˈay a Tatapangan a materek. (Loma 1:20) O roma tamdaw pakasoˈlinay to iraay ko saˈakawangay ko ˈicel i dohaw a materek. Kawra onini cowa ko misasoˈlinay a noka pakasoˈlin no falocoˈ.

Pakasoˈlinen no mita to materekay ci Yihofa a Kawas, hanaca o ‘papalifonen Ningra’ ko tanektekay ko pakasoˈlin no falocoˈ a tamdaw. (Hipray 11:6) Pakasoˈlinay falocoˈ i, o minaroˈan no fangcalay saocor a cecay a capeling. Ano sapilifokaw to fangcalay saocor i, oha mamitolon kita ci Yihofaan. (Luka 11:9, 10, 13) Roma i, oha mamicekiw kita to pakaynian no Kawas i fangcalay saocor mikayat ko tamdaw a mitilidan a Fangcalay Cudad, songilaˈen ita misimsim a minanam misaka dademak. Mihaenay haw i, fangcalay saocor aitini i kihcod no kaˈorip no mita a misaka dademak, padama kitaanan palahad to soˈlinay a pakasoˈlin no falocoˈ, hanaca milifok to pihayda ni Yihofa.