RADIW 105
O Olah ko Kawas
(1 Yohani 4:7, 8)
-
1. Todongen ko Kawas ita,
Masasiolaolah,
Siniˈadaen ko tamdaw,
Lopayˈen ko waywayan.
Soˈlinay olah no Kawas,
Marenec ko falocoˈ.
Patenak to olah kita,
Mamahemek ko Kawas.
-
2. Saˈicelen a mitodong
ko taˈarawan Ningra.
Ano tahapades kita,
Tadiˈecen ko Kawas.
Aka maˈinap to tao,
Makahi a misodod.
Nanay palahaden ita
ko soˈlinay a olah.
-
3. Aka ˈinteh ko falocoˈ,
Hamaan a mangolaw.
Tolonen ita ko Kawas,
Makayat Ningra kita.
Ka olahen ci Yihofa
Ka olahen to tamdaw.
Todongen ko Wama ita,
Midaˈocay ko olah.
(Nengnengen ko Marko 12:30, 31; 1 Korinto 12:31–13:8; 1 Yohani 3:23.)