TAᴺˈ 9
¿Cwaaⁿ nntsʼaanaʼ na neiⁿncooʼ chaʼwaa nnom Tyuaa?
Nawiʼ na cwintyʼiaaya najeʼ cwitʼmo̱o̱ⁿnaʼ na Nʼiaaⁿ ʼnaaⁿʼ Tyʼo̱o̱tsʼom jnda̱ teindyooʼ mʼaaⁿnaʼ (Lucas 21:10, 11; 2 Timoteo 3:1-5)
Teibiocheⁿ, Biblia jnda̱ ñetsonaʼ cantyja ʼnaaⁿ jndye nawiʼ na cwintyʼiaaya najeʼ. Tsonaʼ na yonchʼu xocandyena ñʼoom na cwilue lotyena, ndoʼ nnʼaⁿ jeeⁿ wiʼndyena ñequio ncʼiaana, neiiⁿna sʼom ndoʼ cwilaʼneiiⁿʼndye cheⁿnquieena.
Mati, ñetsonaʼ na jeeⁿ jndeii nntsʼeii, nncʼoom ntiaʼ, nncʼoom jndoʼ tʼmaⁿ ndoʼ jndye ntycu. Chaʼtso nmeiⁿʼ jnda̱ cwintyʼiaaya najeʼ.
Jesús tsoom na ñʼoom xco naya cantyja ʼnaaⁿʼ Nʼiaaⁿ ʼnaaⁿʼ Tyʼo̱o̱tsʼom ncwineiⁿnaʼ chaʼwaa nnom Tyuaa (Mateo 24:14).
Nʼiaaⁿ ʼnaaⁿʼ Tyʼo̱o̱tsʼom nntseicatsuunaʼ chaʼtso nawiʼ (2 Pedro 3:13)
Tajndye xuee ndoʼ Jiowa nntseicatsuu chaʼtso nnʼaⁿ na wiʼndye.
Satanás ñequio ángeles tia ʼnaaⁿʼaⁿ nntuʼxeⁿndyena.
Nnʼaⁿ na nlaʼcanda̱ ʼnaⁿ na matso Tyʼo̱o̱tsʼom nntaʼndoʼna nnom cwii tsjoomnancue na nncʼoom nnʼaⁿ na wiʼnʼoom ncʼiaa, tjaʼnaⁿ tiaʼ ndoʼ xcwe nluii, yuu na meiⁿcwii tsʼaⁿ tixocʼoom na nquiaaʼ. Chaʼtsondyena tʼmaaⁿʼ nʼomna ncʼiaana.
You May Also Like
NTˈOMCHEᴺ NOM
¿Ljoˈ cwiluii Nˈiaaⁿ ˈnaaⁿˈ Tyˈo̱o̱tsˈom?
Quiana Jesús tyomˈaaⁿñe nnom tyuaa sˈaaⁿ wendyee ˈnaⁿ na nluii quiana nsa̱ˈntjom nˈiaaⁿ ˈnaaⁿˈ Tyo̱o̱tsˈom nnom tyuaa
NTˈOMCHEᴺ NOM
¿Aa nncueˈntyjo̱ xuee na taxocantyˈiaaya nawiˈ?
Biblia matsonaˈ na Tyˈo̱o̱tsˈom jndooˈ ˈnaⁿ ma tixcwe cwiluii ndoˈ mˈaaⁿˈ tsˈoom cwii cwii tsˈaⁿ. ¿Chiuu waa mateijndeiinaˈ jaa na cwiliuuya na luaaˈ?
