Mʼaaⁿ ñecwii Tyʼo̱o̱tsʼom na mayuuʼcheⁿ, ndoʼ xueeʼ jom joʼ Jiowa (Salmo 83:18). Jom cwiluiiñe espíritu, ncʼe joʼ na xocanda̱a̱ nntyʼiaanda̱a̱ya jom. Tʼmaⁿ wiʼ tsʼoom jaa ndoʼ lʼue tsʼoom na jaa nncʼo̱o̱ⁿ na wiʼnʼo̱o̱ⁿya jom. Mati lʼue tsʼoom na nncʼo̱o̱ⁿ na wiʼnʼo̱o̱ⁿya ntʼomcheⁿ nnʼaⁿ (Mateo 22:35-40). Tjaaʼnaⁿ ʼñeeⁿ juu na tʼmaⁿti nʼiaaⁿ tseixmaⁿ macanda̱ ñenquii Tyʼo̱o̱tsʼom ee jom sʼaaⁿ chaʼtso ʼnaⁿ.

Tsʼaⁿ najndyeencwe sʼaa Tyʼo̱o̱tsʼom joʼ cwii ángel na jeeⁿ tʼmaⁿ na jndeii na matseixmaⁿ. Najeʼ tajnaaⁿʼya jom chaʼxjeⁿ Jesucristo. Mati sʼaa Tyʼo̱o̱tsʼom ntʼomcheⁿ ángeles.

 Jiowa sʼaaⁿ tsjo̱ʼluee, Tyuaa ndoʼ chaʼtso ʼnaⁿ na niom nacjooʼnaʼ (Génesis 1:1).

Adán, juu tsaⁿsʼa najndyee sʼaa Tyʼo̱o̱tsʼom ñequio tsʼo (Génesis 2:7).