TAᴺˈ 7
¿ʼÑeeⁿ juu cwiluiiñe Jesús?
Jiowa jñom Jesús nnom Tyuaa (1 Juan 4:9)
Jndye cwitjo̱o̱cheⁿ na nntsʼaaⁿ Adán, laʼñeⁿ cañoomʼluee Jiowa sʼaaⁿ cwii ángel na jeeⁿ tʼmaⁿ najndeii. Jom lʼue tsʼoom na mati jaa candya̱a̱ ʼnaⁿ na matso tsaⁿʼñeeⁿ na jeeⁿ tʼmaⁿ cwiluiiñê.
Jndye ndyu teinom, jnda̱ chii Tyʼo̱o̱tsʼom sʼaaⁿ na juu ángelʼñeeⁿ tuiiñe nnom Tyuaa chaʼxjeⁿ cwii yuʼndaa. Cwii yuscundyua na jndyu María seincuii juu naquiiʼ tsjom Belén. Jlaʼcajndyuuna juu Jesús (Juan 6:38).
Biocheⁿ na ñetʼoom nnom Tyuaa, Jesús tʼmo̱ⁿ na yatsʼaⁿñê ndoʼ wiʼ tsʼoom nnʼaⁿ chaʼxjeⁿ nquii Jiowa. Ncʼe joʼ na neiiⁿ nnʼaⁿ jom. Mati, tinquiaⁿʼaⁿ na tʼmo̱o̱ⁿ ñʼoom na mayuuʼ cantyja ʼnaaⁿʼ Tyʼo̱o̱tsʼom.
Meiiⁿna Jesús sʼaaⁿ ʼnaⁿ na ya, jndye nnʼaⁿ jlaʼjndoona jom (1 Pedro 2:21-23)
Mati seinʼmaaⁿ nnʼaⁿwii ndoʼ seicwandoʼxcoom wendyee lʼoo.
Nnʼaⁿ na cwiluiitquiendye naquiiʼ lanʼom jlaʼjndoona Jesús ee ñetsoom nda̱a̱na na cweʼ cantu cwitʼmo̱o̱ⁿna ndoʼ jeeⁿ tiya ʼnaⁿ cwilʼana.
Na tjantycwiiñʼeⁿ, nnʼaⁿ na cwiluiitquiendye naquiiʼ lanʼom jlʼana na nnʼaⁿ romanos catjaaʼna ndoʼ calaʼcweeʼna Jesús.
