LEISIOM 02
Biblia matsonaˈ na yati nncˈo̱o̱ⁿ xuee na quiandyo
Chaˈwaa ntyjaaˈ tsjoomnancue cwiwinom nnˈaⁿ nawiˈ joˈ na machˈeenaˈ na chjooˈ nˈomna, jndye ñomtiuu mˈaⁿna ndoˈ maquiinaˈ joona. ˈU, ¿aa jnda̱ teinoomˈ cwii nawiˈ na luaaˈ sˈaanaˈ ntyjiˈ? Manndyo tˈmaⁿ nawiˈ mantyˈiaˈ jnaaⁿˈ cwii tycu oo manndyo tueˈ cwii tsˈaⁿ na ˈu wiˈ tsˈomˈ, ndoˈ joˈ na manndyo najeˈ mawaxˈeendyuˈ, aa ndyaˈ ncwentyjo̱ cwii xuee na yati ncˈo̱o̱ⁿya. Ñˈoom na matso Biblia ntsˈaanaˈ na ya ntyjiˈ.
1. ¿Ljoˈ ˈnaⁿ matso Biblia cantyja ˈnaaⁿˈ xuee na quiandyo?
Biblia matsonaˈ chiuu tsˈiaaⁿˈ na jndye nawiˈ niom nnom tsjoomnancue. Ndoˈ mati matsonaˈ na tajndye xuee ndoˈ nnquindyo̱ Tyˈo̱o̱tsˈom nawiˈmeiiⁿ. Biblia maqueⁿtyeⁿnaˈ na xuee na cwii wjaatinaˈ ˈu ya ncˈomˈ (Catseiˈnaⁿˈ Jeremías 29:11, 12). ˈNaⁿ na maqueⁿtyeⁿ Jiowa nnda̱a̱ ntsˈaanaˈ na nnaⁿndyo̱ nawiˈ na cwiwino̱o̱ⁿya, ndoˈ na xotseichjooˈnaˈ nˈo̱o̱ⁿya. Ncˈe joˈ, nnda̱a̱ ntyjaaˈ nˈo̱o̱ⁿya na ncwentyjo̱ cwii xuee na ncˈo̱o̱ⁿ na neiⁿnco nˈo̱o̱ⁿya na macanda̱.
2. ¿Chiuu waa matso Biblia na ncˈo̱o̱ⁿ xuee na quiandyo?
Biblia matsonaˈ na xuee na quiandyo «taxocwje nnˈaⁿ, taxocˈomna na chjooˈ nˈomna, meiⁿ taxocatyueena, meiⁿ tjaˈnaⁿ yuu cwii nlquiinaˈ joona» (Catseiˈnaⁿˈ Apocalipsis 21:4). Nndyue chaˈtso ˈnaⁿ na cwitaˈwiˈ jaa chaˈna: na jñeeⁿˈndye nnˈaⁿ, na jndye ˈnaⁿ tixcwe cwiluii, ntycu ndoˈ na cwiwje nnˈaⁿ. Biblia maqueⁿtyeⁿnaˈ na nnda̱a̱ ncˈo̱o̱ⁿ na neiⁿnco nˈo̱o̱ⁿya na macanda̱ quia na ntsˈaanaˈ na neiⁿncooˈ nnom Tyuaa.
3. ¿Chiuu ntyjiˈyuˈ ˈu na ntseicanda̱a̱ˈñenaˈ ñˈoom na maqueⁿtyeⁿ Biblia?
Jndye nnˈaⁿ cwilaˈntyjaaˈ nˈomna na ncwentyjo̱ cwii xuee na yati ncˈomna, sa̱a̱ ticaliuna aa mayuuˈ na nntsˈaanaˈ na luaaˈ. Sa̱a̱ nchii luaaˈ ñequio Biblia. Nnda̱a̱ nlayuuˈtya̱a̱ⁿya ñˈoom na matsonaˈ, xeⁿ na nlaˈnaaⁿyaaya «ñˈoomˈ Tyˈo̱o̱tsˈom na teiljeii» naquiiˈ Biblia (Hechos 17:11). Na luaaˈ, nteijndeiinaˈ ˈu na ntseiyuˈ ñˈoom na matsonaˈ cantyja ˈnaaⁿˈ xuee na quiandyo.
CALAˈNAAᴺYAAYA ÑˈOOMWAA
Calaˈnaaⁿya wendyee ˈnaⁿ na matso Biblia cantyja ˈnaaⁿˈ xuee na quiandyo. Ndoˈ cantyˈiaaya chiuu waa ñˈoommeiiⁿ jnda̱ cwiteijndeiinaˈ jndyendye nnˈaⁿ.
4. Biblia maqueⁿtyeⁿnaˈ na nnda̱a̱ ntaˈndo̱o̱ˈa na macanda̱ na tatjaˈnaⁿ nawiˈ
Nacje ntyˈiaˈ cwii lista ñˈoom na maqueⁿtyeⁿ Biblia. ¿Cwaaⁿ ñˈoom na tjaweeˈti tsˈomˈ? ¿Chiuu tsˈiaaⁿˈ na juunaˈ tjaweeˈti tsˈomˈ?
Calaˈnaaⁿˈyoˈ texto yuu na ñoom cwii cwii ñˈoom na maqueⁿtyeⁿ Biblia ndoˈ calaneiⁿˈyoˈ ñˈoommeiiⁿ:
-
¿Aa matseitiuuˈ na textomeiiⁿ nteijndeiinaˈ ˈu? ¿Aa matseitiuuˈ na mati nteijndeiinaˈ nnˈaⁿ waˈ ndoˈ nnˈaⁿ na ya ñˈoom ˈu?
Catseitiuuˈ na jnda̱ mamˈaaⁿˈ naquiiˈ cwii tsjoomnancue yuu na:
|
MEIIᴺCWII TSˈAᴺ... |
CHAˈTSONDYE NNˈAᴺ... |
|---|---|
|
|
|
|
|
|
|
|
|
|
5. ˈNaⁿ na matso Biblia na ntsˈaa Tyˈo̱o̱tsˈom nteijndeiinaˈ jaa na yati ntaˈndo̱o̱ˈa
Jndye nnˈaⁿ matseichjooˈnaˈ nˈomna oo hasta cwilaˈliooˈndyena jnaaⁿˈ na jeeⁿ jndye nawiˈ niom nnom tsjoomnancue. Ntˈomndye joona tˈmaⁿ jndyaaˈ cwilˈana cha na nljoya tsjoomnancuewaa. Cantyˈiaˈ chiuu waa na ñˈoom na matso Biblia na chaˈtso nljoya, jnda̱ mateijndeiinaˈ jndye nnˈaⁿ xjeⁿ jeˈcheⁿ. Cantyˈiaaˈyoˈ VIDEO ndoˈ calaneiⁿˈyoˈ cantyja ˈnaaⁿ ñˈoommeiiⁿ:
-
Chaˈxjeⁿ na ljuiˈ naquiiˈ video, ¿ljoˈ ˈnaⁿ na tixcwe cwiluii na ticjaweeˈtsˈom Rafika?
-
Meiiⁿ na tjacaanaˈ na cwiluii na tixcwe, ¿chiuu waa teijndeii Biblia Rafika?
Quia na cwilayuuˈtya̱a̱ⁿya ˈnaⁿ na matso Biblia na ntsˈaa Tyˈo̱o̱tsˈom xuee na quiandyo nnda̱a̱ nteijndeiinaˈ jaa na ncˈo̱o̱ⁿ na neiⁿnco nˈo̱o̱ⁿya meiiⁿ na jndye nawiˈ niom. Calaˈnaaⁿˈyo Proverbios 17:22 ndoˈ Romanos 12:12, ndoˈ calaneiⁿˈyoˈ cantyja ˈnaaⁿ ñˈoommeiiⁿ:
-
ˈNaⁿ na matso Biblia na ntsˈaa Tyˈo̱o̱tsˈom xuee na quiandyo, ¿aa ndyaaˈ nteijndeiinaˈ ˈu na yati ncwandoˈ xjeⁿ jeˈcheⁿ? ¿Chiuu tsˈiaaⁿˈ na luaaˈ matseitiuuˈ?
ˈNAᴺ NA CWILUEE WENDYEE NNˈAᴺ: «ˈNaⁿ na matso Biblia na ntsˈaa Tyˈo̱o̱tsˈom xuee na quiandyo teinoomˈ yanaˈ, xeⁿ cweˈ mayuuˈ».
-
Xeeⁿ na niom ˈnaaⁿ na cwitˈmo̱o̱ⁿ na mayuuˈcheⁿ na ntseicanda̱a̱ˈñenaˈ ˈnaⁿ na matso Biblia, ¿chiuu tsˈiaaⁿˈ na jeeⁿ ya na nlˈueˈnaˈ?
ÑˈOOM NA CAJNDATI
Biblia maqueⁿtyeⁿnaˈ na xuee na quiandyo yati ncˈo̱o̱ⁿya, ndoˈ juunaˈ mateijndeiinaˈ jaa na ncˈo̱o̱ⁿ na neiiⁿya meiiⁿ na jndye nawiˈ cwiwino̱o̱ⁿya.
¿Aa macjaañjoomˈ tsˈomˈ?
-
¿Chiuu tsˈiaaⁿˈ na macaⁿnaˈ na nliu nnˈaⁿ ˈnaⁿ na maqueⁿtyeⁿ Tyˈo̱o̱tsˈom na ntsˈaaⁿ?
-
¿Ljoˈ ˈnaⁿ matso Biblia na ntsˈaa Tyˈo̱o̱tsˈom xuee na quiandyo?
-
¿Chiuu waa nteijndeiinaˈ ˈu na nljeiˈ ˈnaⁿ na ntsˈaa Tyˈo̱o̱tsˈom xuee na quiandyo?
CALˈUEˈTIˈ
Cantyˈiaˈ chiuu waa na ˈnaⁿ na matso Tyˈo̱o̱tsˈom na ntsˈaaⁿ xuee na quiandyo nteijndeiinaˈ ˈu quia na mawinoomˈ nawiˈ.
«¿Yuu nnliuuya ˈnaⁿ na nñequiaa na ntyjaaˈ nˈo̱o̱ⁿya?» (¡Despertad!, 22 chiˈ abril chu 2004)
Cantyˈiaˈ chiuu waa ˈnaⁿ na matso Tyˈo̱o̱tsˈom na ntsˈaaⁿ xuee na quiandyo mateijndeiinaˈ nnˈaⁿ na wii cwii tycu na tatjaˈnaⁿ nasei.
«¿Aa nnda̱a̱ nteijndeii Biblia jaa quia na wiiya cwii tycu na tjaˈnaⁿ nasei?» (Ñˈoom na ndiiˈ naquiiˈ jw.org)
Quia na nntyˈiaˈ videowaa, yuu na mata tsˈaⁿ, cˈoomˈ tsˈomˈ na ˈu ñequio nnˈaⁿ waˈ jnda̱ mamˈaⁿˈyoˈ nacjooˈ Tyuaa xco na matso Biblia na ntsˈaa Tyˈo̱o̱tsˈom.
Cantyˈiaˈ chiuu waa seichuiiˈnaˈ ñomtiuu ˈnaaⁿˈ cwii tsˈaⁿ quiana tajnaaⁿˈaⁿ ˈnaⁿ na matso Biblia na ntsˈaa Tyˈo̱o̱tsˈom xuee na quiandyo.
«ˈNdiiya cwintyja na ñeˈtseijndyoondyo̱ tsjoomnancue» (La Atalaya, 1 chiˈ julio chu 2013)
