INU NKWEEN̄ 58
Kweek Nye Kigbe Utoon̄-Ejit Nyi Jioba
Ata ebi eyi Karais mitumu ifieek ibe ke ema kpebetele ibe inu geege mè iyaka ire ene geege ifiat mgbaan̄je kiban̄ melek Jioba. Kpolọlọ, ire ubọk ikupbe me lek kwun̄ ire eya si. Jioba imọnọ igbegbe utoon̄-ejit kwun̄ ibene. (Fuk Mfufuk Eyi Adasi 28:9.) Kpasi irek obokọt itọ igbegbe utoon̄-ejit kwun̄ ikpọ? Ike owa ke obokọt isa itim igak ntọ-mkpọ cha?
1. Ike owa ke ebi ofifi ife ebesa itọ igbegbe utoon̄-ejit kiji inyi Jioba ikpọ?
Usini ene mekọt isa igbagban eji ibe eji ekayaka itọbọ ebum inyi Jioba. Ire ebi owa ebekọt irọ mbet lek inu yi ni? Usini ebi itetele atikọ mikikan̄ ataak itoon̄ ntitiin̄ Jioba mije ema ekiweek ifafiat mgbaan̄je kiji melek Jioba. Ekigwen ema ebi ataak ijejeen̄. Ofifi si, usini ebi ibot uwu uriaak ire ebi ikikan̄ ataak ikeme eji, inyi ebi iwọwọ etele atikọ. Ikekigọọk ema ikpa usem, ikekifuk ikpa kiban̄, ikekisi ere ema ekitap mkpọ me emen efet, mè iyaka ire ikekikpọ fidio kiban̄, ire mkpọ unan inyi eji. Ofolek ebi ikisa irọrọ ibe ebi ofifi ife ekagbe utoon̄-ejit inyi Jioba, Jisọs itumu ibe: “Ìjuuk ema ìtele, mije, ema ìre ebi ǹnàan̄ ìkisa ebi ǹnàan̄ ijeen̄ oniin̄. Ire ogwu ǹnàan̄ ikisa ogwu ǹnàan̄ ijeen̄ oniin̄, ema ene iba mêgbaan̄ irọn̄ inin̄ emen udọn̄.”—Matiyu 15:14.
2. Ike owa ke ntumu-mfieek eji ekirọ obosa ijeen̄ mè ire eji mekigbe utoon̄-ejit inyi Jioba?
Ima eji ekaan̄be me lek Jioba obobieen̄ eji ibe ejit igọgọọk ataak uwu uriaak igbaan̄ mkpọ irọ. Ikwaan̄ kiji, ogbo mè iyaka ire ntitiin echi eji ekupbe me emen, mè ofifi ofifi inu eji ekirọ ikakaan̄ mgbaan̄ me lek ataak uwu uriaak. Jioba itaba eji ubọk me utọn̄ ibe: “Ebi n̄a, ìnan̄a ìsibi me emen [Babilọn Ama Ile].”—Ichichili 18:2, 4.
KWEEN̄ GBAALEK
Kween̄ ubọk obosa ijit itetele ibe ene geege irọ ibe igbegbe utoon̄-ejit kwun̄ inyi Jioba iwọ. Mè ubọk obosa ijeen̄ ibe ke okigbe utoon̄-ejit inyi Jioba sa me inanan̄a me emen Babilọn Ama Ile.
3. Gbala chieen̄ me lek ebi ataak ijejeen̄
Keke ke eji eberọ ire eji inọ ijo ukpatu ofolek ntitiin̄ Jioba? Fuk Urọk 14:15, mè igbaan̄ ikpa idodo yi:
-
Keke orọ eji ebegbala chieen̄ inyi eji ekachieek me lek inu geelek eji enọbe?
Fuk Jọn Eyi Òso Iba 9-11, mè igbaan̄ ikpa idodo chi:
-
Ike owa ke eji eberọ eru me lek ebi ataak ijejeen̄?
-
Ikerere ibe ke eji kpegọọk ebi ataak ijejeen̄ irọ mkpọ isi mè isi, ike owa ke eji ebekọt isa ikigban̄ ijejeen̄ kiban̄?
-
Ike owa ke okeek ibe ke mokup me lek Jioba ire eji ikigban̄ ijo ikọ ofolek kan̄ mè iyaka ire ntitiin̄ kan̄ ni?
4. Kweek nye kigbe utoon̄-ejit nyi Awaji ire gwun̄ ute ge irọ ijo inu
Ire eji iriọọn̄ ibe ke ene ge me ntitiin̄ irọ ijo inu omimin, kpasi akpan ikwaan̄ ke eji ekaan̄? Kpọ-nu onineen̄ ge okup me emen ikan Awaji onyibe ebi Ijeren me ukot ikaan̄. Fuk Libitikọs 5:1.
Ike ekpabe me ere Baibul yi, ire eji iriọọn̄ ibe ke ene ge irọ ijo inu omimin, eji metumu inyi ebi ugane ntitiin̄ inu eji eriọọn̄be ofolek. Ire, sabum eji enerọ ikeya, monwọn ibe eji etumu enyi ogwu orọrọ ijo inu ya ibe isi ikpa inyi ebi ugane ntitiin̄. Ire ikachieek irọrọ ikeya, igbegbe utoon̄-ejit kiji inyi Jioba mobieen̄ eji ibe eji etumu inu eji eriọọn̄be enyi ebi ugane ntitiin̄. Ike owa ke irọrọ ikeya obosa ijeen̄ ibe ke eji migbe utoon̄-ejit inyi . . .
-
Jioba Awaji?
-
ogwu orọrọ ijo inu ya?
-
ebi ofifi ene me ntitiin̄?
Ire gwun̄ ute ge ikaan̄ ufialek, tap ubọk nyi ọmọ!
5. San̄a lek san̄a me lek Babilọn Ama Ile
Fuk Luk 4:8 mè Ichichili 18:4, 5, mè fọọk idodo chi:
-
Ire erieen̄ n̄a omaan̄ me emen ikpa ataak uwu uriaak ge ni?
-
Ire emi omaan̄ me emen ntitiin̄ ge okakaan̄ mgbaan̄ me lek ofifi uwu uriaak ni?
-
Ire ikwaan̄ n̄a ikibieen̄ ataak uwu uriaak inye ni?
-
Ire ikaan̄ ofifi ere me ugwem n̄a oweweek ibe nsan̄a lek me lek ataak uwu uriaak ni?
-
Ire ufọọk-otu n̄a ire iin̄ isa inyi ge me lek idodo chi, kpasi unwene ke mbarọ?
Me otutuuk irek chi, rọ ntumu-mfieek oborọ ibe okaan̄ utọn̄ọ nkeek mè ijeen̄ ibe ke ogbe utoon̄-ejit inyi Jioba.
Keke ke oborọ ire ebe owu onyi ikpoko osa obieen̄ ikwaan̄ ataak uwu uriaak okisi onye?
USINI ENE EKIBE: “Ikup ufiak ibe nriọọn̄ mkpọ ebi ataak ijejeen̄ ekitumu ofolek Ebi Ata-Ikọ Jioba inyi makọt itumu ikọ me ibot atikọ.”
-
Ire eya ijeen̄ iriọọn̄-inu ni? Keke orọ ofọọkbe ikeya?
ME MGBIDIM
Inyi eji ekweek enye ekegbe utoon̄-ejit enyi Jioba, ikup ufiak ibe eji ejit ikekigọọk ebi ikisa ifafiaan̄ eji.
Idodo
-
Keke orọ ikagbe ibe eji ekegban̄ inu ebi ataak ijejeen̄ ekitumu?
-
Ire eji iweek iriọọn̄ ibe ke gwun̄ ute ge irọ ijo inu omimin, keke ke eji eberọ?
-
Ike owa ke eji ebesa igọọk ntaba-ubọk-me-utọn̄ ililibi inan̄a me ataak uwu uriaak?
WEEK
Kween̄ inu oborọ ire ebi ene ekikan̄ ataak ikeme Ebi Ata-Ikọ Jioba.
Ike owa ke eji ebesa iriọọn̄ ntitiin̄ mè iyaka ire ikwaan̄ echi okibieen̄ Babilọn Ama Ile inye?
“Keep Busy During the Last of ‘the Last Days’” (The Watchtower, October 2019, paragraphs 16-18)
Keke ke usini ebi ochicha kiji erọ isasa imun̄ ibe ke ichechieek kiji iwọ?
Me emen ukpatu obe “I Had Been Looking for God Since Childhood,” fuk mkpọ ofolek ubọk ogwu ibot uwu uriaak Shinto ge osabe isan̄a lek kan̄ me lek ataak uwu uriaak.
