INU NKWEEN̄ 18
Kè Ebi Ikigban̄ Owu Ekween̄ mkpọ Me Lek
Ebi Kọrint Eyi Adasi 9:19-23
ME MGBIDIM: Rọ mè ebi ikigban̄ owu ekekeek ibot usem ya, inyi ema emun̄ me lek kiban̄ ibe ke ema mikween̄ mkpọ onwọnwọn.
UBỌK OBORỌ:
-
Keek-nu mkpọ ebi ikigban̄ owu ewuukbe lek iriọọn̄. Kpan̄asi obokpọk itumu mkpọ ema ewuukbe lek inọ, rọ mè ema eyaka emun̄ inu ya me oniin̄ osisibi esese mè ikup ayaya.
-
Week mè gwu nkeek kom me lek. Omokọt isa inu kpemaan̄ lek iriọọn̄ miya ire inu echi ore ayaya isa ikpa isibi usem okukup ufiak mire ifet. Riọọn̄ ubọk keek dọk mkpọ ofolek usem kwun̄ mè mgbaan̄ usem ya okaan̄be me lek inu obosa irọ mkpọ.
-
Jeen̄ oruru usem kwun̄ okaan̄be. Kpa wele ike Baibul obokọt isa itap ubọk inyi ebi ikigban̄ owu me ugwem kiban̄ usen geelek. Kpa irek echi osibi esese, eru, melek inu ebekọt irọ echi okukup me ufiak inyi ebi ikigban̄ owu.
