Ulook okup inyi ebi inunu chinichini yi
CHINICHINI ECHI OSIBI ESESE
UWU IKPA OKUP INYI EBI IKILOOK ATA ETIP AMA UBỌỌN̄ Ekigwen ebi ikisibi uko me ojot mgbọ ebi isoso akọp acha iba mè ita sare akọp acha gweregwen mè go, ebi ikakaan̄ ulọk iwewele owot ikwaan̄ kiban̄ ibe enu me chinichini okukup inyi ebi iweek isisi Uwu Ikpa Okup Inyi Ebi Ikilook Ata Etip Ama Ubọọn̄ eyi obobọkọ irek me owelegwe Sunday. Melook si ere mè mgbọ eberọ.
ULOOK OKUP INYI EBI INUNU CHINICHINI YI
EBI IKIKPỌCHIEEN̄ ME ERE IKWEEK IREK Ebi ikikpọchieen̄ me ere ikweek irek metap ubọk inyi owu. Soso gọọk ntọ ubọk ema ebenyi owu ofolek ere isun̄ uji, urum ene igbabaan̄ ije, itete ikasi isun̄ mè ofifi ofifi inu si.
ERE EBI LEK IKANYEGE Soso riọọn̄ ibe ke ere yi ikup inyi ebi irek okupbe GBAN̄ GBAN̄ GBAN̄ GAALEK.
ERE EKISIWEEK MKPỌ OCHECHEP Sa Inu Geelek Kpunuge Okaan̄ Melek sa jet me ere yi. Ire ikaan̄ mkpọ kwun̄ ochechep, si me ere yi sikpọ. Ire ikaan̄ nsabọn ijeje ilọ ukot ebi uga mè ute kiban̄, etet ema esa enu me ere yi si. Ire, ikamun̄ ere yi kubọk ire ere ekinigwook nsabọn. Soso ikpọchieen̄ me lek nsabọn kinyi mè isun̄ ema me agbalek kinyi.
IBEBIEEN̄ IKWAAN̄ INYE Misa ikpoko ineen̄ ere ikweek irek, mkpọ okọt okwa, okop ogugo, mè ofifi ofifi inu echi orọrọ inyi eji ekenwọọn̄ chinichini ilile yi mè itap ubọk irọ inyi eji ejuuk lek eriaak me lek Jioba. Inyinyi onyibe inan̄a me ejit, okigọọk itap ubọk ibieen̄ ikwaan̄ yi inye me otutuuk linyọn̄ yi. Okop obokọt itap ikpoko me emen omowa eyikbe ikana me emen ere yi. Eji menwọọn̄ enenen inyinyi geelek onyibe. Ebi Akpalek Okikpọ Ntitiin̄ mikitọn̄ enyi enenen mè ikekisa me ejit kinyi ikichili ubọk ikisa ibieen̄ ikwaan̄ Ama Ubọọn̄ inye.
IKWAAN̄ EKISAN̄A LEK ISIBI Ire oweek itatap ubọk isi ikwaan̄, inyi chinichini yi ije me onineen̄, soso si mun̄ ebi ikikpọchieen̄ melek Ulook mè Ikwaan̄ Ekisan̄a lek Isibi.
IKWEKWEEK IREK Soso, ikaan̄ ebi ufi ife me ejit. Riọọn̄ ibe ke ire ebi uwu kwun̄, ebi igọgọọk owu igbaan̄ inu, ebi ikikween̄ Baibul mè ebi melek kwun̄ elukbe me uwu gaalek ke obotet ikasi isun̄ iban. Soso kasun̄ mkpọ me inyọn̄ ikasi okatege isun̄.
NTAP-ME-MUN̄ Itata me echachak otu melek, ikasi ebi ibekaan̄ ntap-me-mun̄ ibokup me isi obubot. Ebi ibekaan̄ ntap-me-mun̄ ire ebi ibekweek me ere yi sabum usem ntap-me-mun̄ obene me owelegwe Saturday. Ogwu ikup mosa ekwut ituku lek mè ofọnti onwọnwọn ibotap inun̄.
Ebi Akpalek Okikpọ Ntitiin̄ Ebi Ata-Ikọ Jioba Eneen̄
