Jisọs ibe ke ebi ikakaan̄ ata ejit meriọọn̄ atikọ mgbọ geelek ema esinọ. (Jọn 10:4, 27) Eya orọ, mgbọ geelek eji ekigọọk ebi ene ikpa usem, eji ekiweek ikpakpa inyi ema atikọ Baibul. Sa inyi okpa atikọ onyi ene sa me ibebene me lek usem kubọk: “Ire oriọọn̄ ibe ke . . . ?” mè iyaka ire “Ire owuuk lek inọ ibe ke . . . ?” Osido isan̄a, sa ere Baibul eyi otatat me lek ibot usem ya sa kpa wele. Gaalek ikpakpa atikọ Baibul ge inyi ene mokọt iwop mfut me ejit ene ya, Awaji si mokọt irọ ibe mfut ya itibi!—1 Kọr 3:6, 7.

•  Mgbọ Okup Me Isi

•  Ototun̄ Ukan̄

•  Awaji

•  Uriaak

•  Jisọs

•  Ama Ubọọn̄ Awaji

•  Ukwook

•  Mkpa

•  Uwu Uriaak

 MGBỌ OKUP ME ISI

1. 1. Mkpọ echi okibọkọ irek me mgbọ keyi mè eru ebi ene ikijeen̄ ibe ke inu monwene sọnja mgbọ.—Mat 24:3, 7, 8; Luk 21:10, 11; 2 Tim 3:1-5.

2. 2. Kpebejijaka inyọn̄ ijọn̄ yi.—Itọn̄ 104:5; Etip 1:4.

3. 3. Inyọn̄ ijọn̄ yi mokana Paradais.—Asaya 35:1, 2; Ichi 11:18.

4. 4. Otutuuk ene mekaan̄ unye akpalek.—Asaya 33:24; 35:5, 6.

5. 5. Omokọt iluk ugwem me inyọn̄ ijọn̄ yi ire mgbọ geelek.—Itọn̄ 37:29; Mat 5:5.

 OTOTUN̄ UKAN̄

1. 6. Olom ‘moma nwa kan̄ ike imabe akpalek kan̄.’—Efes 5:33; Kọl 3:19.

2. 7. Nwa ‘monyi nlom kan̄ ulibi odọdọk.’—Efes 5:33; Kọl 3:18.

3. 8. Olom mè nwa megbe utoon̄-ejit inyi ge ge.—Mal 2:16; Mat 19:4-6, 9; Iburu 13:4.

4. 9. Nsabọn ebi ikilibi mè ikisiki ibot inyi nte kiban̄ mè nga kiban̄ merọ ijaan̄.—Urọk 1:8, 9; Efes 6:1-3.

 AWAJI

1. 10. Awaji ikaan̄ erieen̄.—Itọn̄ 83:18; Jeri 10:10.

2. 11. Awaji inyi eji etip okukup ufiak.— 2 Tim 3:16, 17; 2 Pita 1:20, 21.

3. 12. Awaji ikakigobo ene isi.—Ikan 10:17; Ikwaan̄ 10:34, 35.

4. 13. Awaji iweek itatap ubọk inyi eji.—Itọn̄ 46:1; 145:18, 19.

  URIAAK

1. 14. Awaji iweek ibe eji eriaak uriaak enyi ọmọ.—Itọn̄ 62:8; 65:2; 1 Pita 5:7.

2. 15. Baibul ijeen̄ eji ubọk eji ebesa ikiriaak uriaak.—Mat 6:7-13; Luk 11:1-4.

3. 16. Eji mekiriaak uriaak mgbọ geelek.—Mat 7:7, 8; 1 Tes 5:17.

 JISỌS

1. 17. Jisọs ire ata ogwu ijejeen̄, ogwu ijejeen̄ mè nteme kan̄ okikaan̄ ikwaan̄ mege inire chereyi.—Mat 6:14, 15, 34; 7:12.

2. 18. Jisọs itumu mkpọ ofolek inu echi eji ekimun̄ me chereyi.—Mat 24:3, 7, 8, 14; Luk 21:10, 11.

3. 19. Jisọs ire Gwun̄ Awaji.—Mat 16:16; Jọn 3:16; 1 Jọn 4:15.

4. 20. Jisọs ikare Awaji Ogwu Okaan̄ Unye Geelek.—Jọn 14:28; 1 Kọr 11:3.

 AMA UBỌỌN̄ AWAJI

1. 21. Ama Ubọọn̄ Awaji ire mkpulu okup me emen inyọn̄.— Dan 2:44; 7:13, 14; Mat 6:9, 10; Ichi 11:15.

2. 22. Ama Ubọọn̄ Awaji mojijika mè ibọkọ irek mkpulu ebilene.—Itọn̄ 2:7-9; Dan 2:44.

3. 23. Ire Ama Ubọọn̄ Awaji gaalek obokọt isan̄a otutuuk ufialek ebilene isan̄a.—Itọn̄ 37:10, 11; 46:9; Asaya 65:21-23.

 UKWOOK

1. 24. Ikare Awaji okirọ ibe eji ekebọkọ ukwook.—Ikan 32:4; Jemis 1:13.

2. 25. Ire Setan okikpulu linyọn̄ yi.—Luk 4:5, 6; 1 Jọn 5:19.

3. 26. Awaji okimun̄ ukwook kwun̄ mè iweek itatap ubọk inyi owu.—Itọn̄ 34:17-19; Asaya 41:10, 13.

4. 27. Awaji motap uyaka me lek ukwook sọnja mgbọ.—Asaya 65:17; Ichi 21:3, 4.

 MKPA

1. 28. Ebi ikwakwaan̄ kperiọọn̄ inu geege; ema kpekibọkọ ukwook.—Etip 9:5; Jọn 11:11-14.

2. 29. Ebi ikwakwaan̄ kpebekọt itap ubọk inyi eji mè iyaka ire isak eji unan.—Itọn̄ 146:4; Etip 9:6, 10.

3. 30. Ebi ima kiji ebi ikwakwaan̄ mejomo me mkpa.—Jobu 14:13-15; Jọn 5:28, 29; Ikwaan̄ 24:15.

4. 31. “Mkpa ìkpoyaka ikup.”—Ichi 21:3, 4; Asaya 25:8.

 UWU URIAAK

1. 32. Ikare otutuuk uwu uriaak okineme Awaji.—Jeri 7:11; Mat 7:13, 14, 21-23.

2. 33. Awaji icha isi iba.—Asaya 29:13; Maika 3:11; Mak 7:6-8.

3. 34. Ire ata ima ke ebesa iriọọn̄ ata uwu uriaak.—Maika 4:3; Jọn 13:34, 35.