INU ORỌRỌ IKUPBE UFIAK: Oniin̄ ge okukup ufiak isasa ‘ilook ebi ene ata etip’ ire itibi me okpọ etip. (Ikwaan̄ 20:24) * Ikitap ubọk irọ inyi eji ekọt ekelook ata etip enyi ebi ene me mgbọ irek kiji ikachieekge ibe eji egọọk ema ekpa usem isi mè isi.

UBỌK OBORỌ:

• Neen̄ lek. Gobo ibot usem ogbegbe. Ge sibi okpan okpan inu oboma itutumu. Monwọn ibe mkpọ ogebe isibi ya melek ofifi ofifi mkpọ, kubọk okpọ etip ochilibe JW Library^® mè iyaka ire jw.org^® me emen ikup me inyọn̄ ikasi obosa irọ mkpọ

• Siki ejit. Tumu ikọ ubọk owuukbe lek ikitumu. Kike otu-imọm mè sa akpalek kwun̄ kirọ inu kpọ me lek usem okebitumu kubọk ke ene ya ikimumun̄ owu. Kakpọkpọ ikitet usem kwun̄ ikaan̄ ubọk geelek. Monwọn ibe ogwen ofifi gwun̄ ute ogbaalek kwun̄ osibosa okpọ etip ilook ebi ene ata etip. Ire ogwukaan̄ uwu ido idodo, sa ubene ida kpọk do idodo ya ufuna ogwu melek kwun̄ ikọt itap ubọk iweek ufọọk-otu kan̄

• Tumu mkpọ oboneen̄ ejit ogwu okebigọọk ikpa usem me lek nje nchak. Ire ene ya ijeen̄ ulọk, omokọt ijuuk idodo obofọọk ofifi mgbọ obogwen ogọt itele. Omokọt itumu inyi ene ya ibe ke owu mosa ikpa kiji ge ijet ogọt me uwu kan̄ mè iyaka ire, isa okpọ etip mè ire okwukwut nden̄ iria ge me lek ikpa mè iyaka ire fidio kiji ijet ogọt