Me mfufuk ebilene, ebi eyi Awaji mikirọ itet inu echi okikaan̄ ukpook, ikare me unye eyi kiban̄, ire inan̄a me ntap-ubọk kè Jioba. Me acha 1954, ntitiin̄ Jioba osasan̄a isibi fidio ge ekigwen Inu Ebi Ibeluk Me Aya Inyọn̄ Ekirọ Itet Me Mgbọ Keyi. Ichubọk ire ebi ikup me Bethel ebi kperọriọọn̄ge ubọk ekirọ fidio erọ. Ikwaan̄ okakaan̄ ukpook yi ire eyi ekọtbe irọ inan̄a me unye ekwukwu mbuban kè Jioba gaalek. Irọ ibe eji etoon̄ ejit ibe ke eji mekọt irọ ikwaan̄ geelek enyibe eji itut mè ire eji iyaka lek imaan̄ me lek Jioba.—Jek 4:6.

IKPỌ FIDIO UBỌK ESABE IRỌ FIDIO “INU EBI IBELUK ME AYA INYỌN̄ EKIRỌ ITET ME MGBỌ KEYI”, MÈ IFỌỌK IDODO CHI:

• Eke orọ ebaalek itumu ifieek ibe erọ fidio ofo me lek ere ibot ikwaan̄ ntitiin̄ me otutuuk linyọn̄ yi?

• Ike owa ke fidio ya osa ijeen̄ ibe ke Bethel ikup kubọk akpalek ebilene?—1 Kọr 12:14-20

• Kpasi rumurumun̄ ke ebi bọn ute echichini me mgbọ ekebirọ fidio ya, ike owa si ke ema ekọt itim igak rumurumun̄ cha?

• Keke ke inu yi ojeen̄ ofo me lek ekwukwu mbuban kè Jioba?