INU ORỌRỌ IKUPBE UFIAK: Ebi ekenbe aran̄ mè ebi ofifi arọọn̄ ekigwen otutuuk ebi inan̄a me ere geelek ibe enenwọ “mun̄ eyi ugwem . . . me ikike.” (Ichi 22:17) Mun̄ yi ikeke ichit chieen̄ otutuuk inu Jioba okisan̄a isibi isasa inyan̄a eji inan̄a me lek ijo mè mkpa. Inyi eji ekọt etap ubọk enyi ebi ikakaan̄ esese esese orọmijọn̄ mè nchieek, ikup ufiak ibe eji elook “ata etip eyi mgbọ ikakaan̄ge itata” me oniin̄ oboriki ulọk kiban̄ ge ge.—Ichi 14:6.

UBỌK OBORỌ:

• Gobo ibot usem melek ere Baibul echi obore ejit ebi ene me agan̄ kinyi. Omokọt isa ubọk ibene ukpatu ge mè iyaka ire igobo ibot usem eyi owuukbe lek isa irọ mkpọ me oniin̄ otetet mun̄. Kpasi ibot usem melek ere Baibul ke ebi ene ekibọkọ itap ijaan̄ lek? Ire ikaan̄ ukpatu geege ebi ene ekikeek mè ikitumu mkpọ ofolek me oke mgbọ ya ni? Keke oboriki ulọk ogwu enerieen̄ mè iyaka ire ogwu enenwaan̄?

• Kè ukpatu kwun̄ igọbọ ubọk itọp amọn melek usini orọmijọn̄ ekebirọ me agan̄ kinyi.—2 Kọr 6:3, 4

• Riọọn̄ jaan̄ lek ikpa mè fidio echi okup me Okop Mkpọ Ikwaan̄ kiji obokọt isa inyi mè iyaka ire ijeen̄ ogwu ojejeen̄ ulọk

• Rọ danlod ikpa mè iyaka ire fidio me ida usem ebi obochichini me agan̄ kinyi

• Nwene ibot usem kwun̄ kpọ me lek ufiak ogwukaan̄ uwu. (1 Kọr 9:19-23) Kubọk inu njeen̄, keke ke obotumu ire oweek iriọọn̄ ibe ke ikafiin̄ ogwukaan̄ uwu ya ochepbe ogwu ima kan̄ me mkpa?

IKPỌ FIDIO YI, MÈ IFỌỌK IDODO CHI:

• Ire kpasi ibot usem ke ogwu okilook ata etip ya osa ibene ukpatu me lek ogwukaan̄ uwu?

• Keke okibọkọ irek me ugwem ogwukaan̄ uwu ya?

• Ere Baibul owa ogbe ifufuk mgbọ ya, keke orọ?

• Ike owa ke obokọt isa inwene ubọk ilook etip kwun̄ ufuna ikiriki ebi ene ulọk me agan̄ kinyi?