Otutuuk kiji mikifieek ejit usini mgbọ. Ifefieek ejit ikasibi ibe ke ene ikayaka ikaan̄ ichechieek me lek Jioba. Mije, ikerere Jioba me lek kan̄ ikifieek ejit usini mgbọ. (Ibeb 6:​5, 6) Ire, mè ire eji eyaka ikifieek ejit owuwa mgbọ mè iyaka ire mgbọ geelek ye?

Beek Jioba ibe itap ubọk inyi owu. Jioba ikaan̄ ulọk me lek ubọk mkpọ okikup owu me lek. Iriọọn̄ mgbọ eji ekibele ejit mè mgbọ eji ekifieek ejit. Igobo itet inu orọrọ eji ekikeek mè ikirọ mkpọ ike eji ekirọ. (Itọn̄ 7:9b) Eyi okukup ufiak ichit ire, Jioba okikpọ eji chieen̄ me lek, ọmọ si mokọt itap ubọk inyi eji ekọt eje etibi ufieejit eji ekikaan̄, ikerere uga ufieejit.—Itọn̄ 34:18.

Bem ekiket kwun̄. Lọlọ nkeek mokọt ikaan̄ mgbaan̄ me lek ubelejit kiji mè ntọbọ-ebum kiji isa inyi Jioba. Ọmọ orọ ikupbe ufiak ibe eji ebem ejit kiji, orere ogwu eji echubọk ire.—Urọk 4:23.

IKPỌ FIDIO UBỌK EBI BỌN UTE KIJI EKINWỌỌN̄ ESUUK IKERERE ME IREK UGA UFIEEJIT, MÈ IFỌỌK IDODO CHI:

• Keke ke Nikki orọ isasa ikime uga ufieejit?

  Ufọọk-otu kwun̄

• Keke orọ Nikki omun̄be ibe ke ikup ufiak ibe isi iweek ntap-ubọk ebi ofia ebeke?—Mat 9:12

  Ufọọk-otu kwun̄

• Me oniin̄ okukup ke Nikki osa iyaka lek imaan̄ me lek Jioba ibe itap ubọk inyi ọmọ?

  Ufọọk-otu kwun̄