Keke orọ eji ekebinwọọn̄ chinichini ilile ekirọ me acha geelek ni? Ike ikupbe me Ijeren ukot ikaan̄, chinichini ilile chi ikinyi eji irek igọgọọk efit efit, mè ikerere obop obop ebi melek kiji ekupbe me ichechieek etọbọ ebum enyi Jioba. Eji ekinwọọn̄ atalek inorie echi emen ekwukwu. Eji mima si ata mgbọ eji ekifiat me lek ebi ototun̄ ukan̄ kiji melek ebi unene kiji. Uga unwọọn̄ eji ekikaan̄ mobieen̄ eji ibe eji enu otutuuk usen ita eberọ chinichini ya.

Eji esikaan̄ irek igbagbaan̄ ititiin̄ ikeya, eji ekakikeek oruru eyi lek kiji gaalek, ire, eji ekekeek ubọk eji ebesa ikijeen̄ ima me lek ebi ofifi ife. (Gal 6:10; Iburu 10:24, 25) Eji mekọt ikijeen̄ ulọk me lek ebi bọn ute sa me ichichili isotu inyi ema eraka mè iyaka ire itetet ikasi eyi eji ebekup me inyọn̄ gaalek ikaan̄. (Filip 2:3, 4) Eji ekikaan̄ irek irọrọ ayaya unene me chinichini ilile chi. Inu ge eji ebekọt ito me isi ire ikekigọọk ogwu eji ekariọọn̄ge ikpa usem sabum ebebene orirọ ya, mgbọ echitbe melek mgbọ ekitap efuuk me ikarek. (2 Kọr 6:13) Eji mekọt ikaan̄ ebi ibere ebi unene kiji ire mgbọ geelek me chinichini chi! Ire, eyi ogak otutuuk, ire ebi ofifi ife imun̄ ubọk eji ekijeen̄ ata ima me lek ge ge, ema mekọt inigọọk eji ikitọbọ ebum inyi Jioba.—Jọn 13:35.

IKPỌ FIDIO “IMA IKAKAAN̄ OKPUTUT”! CHINICHINI ILILE OKIKPULU OWUWA IDO, MÈ IFỌỌK IDODO CHI:

• Kpa ubọk ke esa ijeen̄ ima me lek bọn ute ebi inanan̄a me ofifi ido isi chinichini ilile me ofifi ere me acha 2019?

• Mgbaan̄-mbọp mè ima okup me etete ebi eyi Jioba ijeje ikup esese?

• Kpasi agọọk me lek ima ebi eyi Karais ke Akpalek Okikpọ Ntitiin̄ okpa mkpọ ofolek?

• Kpa ubọk ke ima osa igbaan̄ ebi bọn ute me Germany melek South Korea ibọp?

• Keke obore ntumu-mfieek kiji?