Eji ekiluk me inyọn̄ eyi ebi ene ekigwen ata inu, ijo inu mè ikigwen si ijo inu, ata inu. (Asaya 5:20) Ire mkpọ nsan ibe ke usini ene ekirọ inu Jioba ochabe, eyi igọbọ ebirieen̄ ikekilaak ebirieen̄, mè ebibaan̄ ikekilaak ebibaan̄. Me uwu ikpa nsabọn kiji, ebi otu ogbo kiban̄ mè iyaka ire ebi ofifi ife mekọt ikiweek ileleke ebi asasa chi inyenye otu ewe ibe egọọk ema ekerọ ijo inu. Kpa ubọk ke enyi ebesa itap ubọk inyi nsabọn kinyi inyi ema ekọt ekeke ekeme ntọ-mkpọ chi melek mbet lek ntọ-mkpọ okukup ikeya ni?

Jeen̄ nsabọn kwun̄ onineen̄ kè Jioba. (Lib 18:3) Igọọk me lek acha kiban̄ mè ubọk ema ekisa igobo inu itet, kijeen̄ ema inu Baibul otumube ofolek ilalaak enerieen̄ mè enenwaan̄. (Ikan 6:7) Do lek kwun̄ ibe: ‘Ire njeen̄ nsabọn n̄a inu ogbegbe ibe ema ekerọ mè eyi ikagbege isasa ijeen̄ ene ima ni? Ire njeen̄ ema ibe ke ikup ufiak ibe ema eketap ofọnti ogbegbe mè inwọn ni? Ire njeen̄ ema ibe ke ikup ufiak ibe ebi ofifi ife ekenyi ema irek me mgbọ ema eweekbe ikukup ema gaalek? Ire nsabọn n̄a miriọọn̄ inu ema eberọ ire ene ge ibojeen̄ ema ogugo njak mè iyaka ire ibe me ema erọ inu Jioba ochabe ni?’ Ire ema ekween̄ mkpọ chi me enen mgbọ, motap ubọk irọ inyi ema ekarọn̄ inin̄ me emen ufialek. (Urọk 27:12; Etip 7:12) Sa me ikekijeen̄ nsabọn kwun̄ mkpọ, okijeen̄ ibe ke owu oma inu unye otu ewe mè irot echi Jioba onyibe owu, orere nsabọn kwun̄.—Itọn̄ 127:3.

IKPỌ FIDIO NAMA OTOTUN̄ UKAN̄ ONYENYE—BEM NSABỌN KWUN̄ ME LEK “IJO INU,” MÈ IFỌỌK IDODO CHI:

• Keke orọ usini ene ekitet ikaan̄ mè ijejeen̄ nsabọn kiban̄ inu ofolek ilalaak enerieen̄ mè enenwaan̄?

• Keke orọ ebi uga mè ute ebesa ‘nteme eyi Jioba’ ikikpukpo nsabọn kiban̄?—Efes 6:4

• Keke ke ntitiin̄ Jioba osan̄a isibi isasa itap ubọk inyi ebi uga mè ute ejeen̄ nsabọn kiban̄ inu ofolek ilalaak enerieen̄ mè enenwaan̄?—w19.05 12, box

• Keke orọ ikupbe ufiak ibe okogọọk nsabọn kwun̄ okpa usem mgbọ geelek sabum enekaan̄ ufialek?