Ire ke owu ire ogwu ijija, ogwu okilook ata etip, mè iyaka ire ogwu ekigọọk ikween̄ Baibul, ire oto ikakaan̄ ntap-me-mun̄ me isi ni? Keke orọ ikupbe ufiak ibe okaan̄ ntap-me-mun̄? Isasa lek inyi Jioba mè ikakaan̄ ntap-me-mun̄ ikinyi ene irek inwọnwọọn̄ ata mgbaan̄je melek kan̄. (Itọn̄ 91:1) Mokọt inyan̄a eji si. (1 Pita 3:21) Keke obotap ubọk inyi owu okọt omin osoon̄ ni?

Kijeen̄ ibe ke owu ochieek ijaan̄ ibe ke eyi ore atikọ. Osikaan̄ idodo, wọlọ week ufọọk-otu idodo okaan̄be ya. (Rom 12:2) Ire ikaan̄ ere okukup ufiak ibe orọ unwene me ugwem kwun̄, kè ulọk okaan̄be irọrọ inu Jioba oweekbe ibieen̄ owu ibe orọ unwene ya. (Urọk 27:11; Efes 4:23, 24) Kibeek ntap-ubọk Awaji me uriaak mgbọ geelek. Kè ejit kwun̄ inye ibe ke Jioba mokisa ekwukwu mbuban inama mè ikibieen̄ owu inye. (1 Pita 5:10, 11) Efuuk geelek okebitap ikpochep me ikike. Itọtọbọ ebum inyi Jioba ore ubọk iluk-ugwem eyi onwọnwọn ichit!—Itọn̄ 16:11.

IKPỌ FIDIO INU OBORỌ INYI OKỌT OMIN OSOON̄ IKAKAAN̄ NTAP-ME-MUN̄, MÈ IFỌỌK IDODO CHI:

• Kpasi rumurumun̄ ke usini ene etim igak inyi ema ekọt ekaan̄ ntap-me-mun̄?

• Kpa ubọk ke obosa ikaan̄ ichechieek eyi obobieen̄ owu ibe osa lek kwun̄ onyi Jioba?

• Keke obieen̄ usini ene ibe erọ inu ogbegbe inyi ema ekọt emin esoon̄ ikakaan̄ ntap-me-mun̄?

• Kpa ubọk ke Jioba okisa igbana ebi igogobo itọtọbọ ebum inyi ọmọ?

• Isasa lek inyi mè ikakaan̄ ntap-me-mun̄ isibi keke?