Nkween̄mkpọ eyi ntitiin̄ ire eyi keya okukup ufiak enenen me ata ntọbọ-ebum. (Itọn̄ 22:22) Otutuuk ebi ikigbaan̄ ititiin̄ itọbọ ebum inyi Jioba ekekikaan̄ unwọọn̄ mè ugbana. (Itọn̄ 65:4). Ebi ikikween̄ Baibul ekigwat lek ikaan̄ njenyi-isi me mgbọ ema esikinu nkween̄mkpọ me mgbọ geelek.

Ike owa ke obokọt itap ubọk inyi ogwu okigọọk ikween̄ Baibul ufuna ikinu ntitiin̄? Tet lek nye kigwen ema ibe enu. Jeen̄ ema fidio Keke Okibọkọ Irek Me Emen Uwu Ntitiin̄ Eyi Ama Ubọọn̄? Kpa wele oruru ekikaan̄ me isisi ntitiin̄. (lff inu nkween̄ 10) Omokọt itumu inyi ema okpọkpọ mkpọ okween̄be me ntitiin̄ mè iyaka ire itumu inyi ema mkpọ ebekween̄ me ofifi nde. Nyi ebi okigọọk iween̄ Baibul ikpa ebekween̄ me ntitiin̄. Isọkọ me lek si, tap ubọk nyi ema. Mokọt ire be ke ema miweek ntap-ubọk ufuna ema ekọt ere ntitiin̄. Omomun̄ ibe ke efuuk kwun̄ geelek ikachep me mgbọ ogwu okigọọk iween̄ mkpọ isi inu ntitiin̄ me adasi mgbọ.—1 Kọr 14:24, 25.

KPỌ FIDIO DRAMA TAP UBỌK NYI EBI OKIGỌỌK IKWEEN̄ BAIBUL UFUNA EKENU NTITIIN̄, MÈ IFỌỌK IDODO CHI:

• Kpasi irek ke Matọn̄ osa igwen Utoon̄ ibe inu ntitiin̄?

• Eke orọ ikibele eji ejit me mgbọ ogwu eji ekigọọk ikween̄ Baibul isinu ntitiin̄?

• Keke ke Utoon̄ omun̄lek me adasi usen eyi isibe ntitiin̄?