Ufuna ogwu okigọọk ikween̄ Baibul ire unene kè Jioba, ọmọ mogobo mgbaan̄je onwọnwọn. (Itọn̄ 15:1, 4) Ata mgbaan̄je morọ ufuna ema ekerọ mkpọ onwọnwọn.—Urọk 13:20; lff inu nkween̄ 48.

Osikitap ubọk irọ ufuna ebi okigọọk ikween̄ Baibul ejit ijo mgbaan̄je, kikaan̄ ejit nsan me lek kiban̄. Mokọt iyọt ema me lek ikpọkpọ ijit ebi unene kiban̄ cha me linyọn̄. Eya orọ, jeen̄ ulọk me lek kiban̄ ikerere me usen echi enyi kpekwekween̄be mkpọ. Eyi mokọt ire iraria etip, igwen me ọkpọ etip, mè iyaka ire isi isikpọ ema. Ike ema ekebikaan̄ nje-nyi-si, omokọt igwen ema ibe enegọọk ebi eyi Awaji egbaan̄ enwọọn̄ lek. Mgbọ ya ke ema ebenimun̄ ibe ke ema mekikaan̄ atalek oruru igak inu ema ekichep. (Mak 10:29, 30) Owu si omokaan̄ Unwọọn̄ me mgbọ osimun̄ ubọk ebi eyi Awaji ekebiwa igbaalek.

IKPỌ FIDIO DRAMA TAP UBỌK NYI EBI OKIGỌỌK IKWEEN̄ BAIBUL UFUNA EJIT IJO MGBAAN̄JE, MÈ IFỌỌK IDODO CHI:

• Echi owa ore ijo mgbaan̄je?—1 Kọr 15:33

• Utoon̄ ikikeek ibe mgbaan̄ntitiin̄ ebi eyi Karais ibokukup nje?

• Ike owa ke Matọn̄ osa itap ubọk inyi Utoon̄ ufuna ijit ijo mgbaan̄je?