Me ota mgbọ yi, eji ekekichichini owuwa irek oyọyọt. Usini mgbọ, eji mekọt ikikeek ibe ke ufialek kiji imin igak eji, ke eji kpebekọt ime. Ire, ire eji ikup inye ikitaba lek iriaak me lek Jioba, ọmọ motap ubọk inyi eji ekọt ekaan̄ ime ikerere me irek oyọyọt enenen. (Asaya 43:2, 4) Kpa ubọk ke eji ebesa ikitaba lek iriaak me lek Jioba me mgbọ eji ekikwek isi me lek ufialek ni?

Uriaak. Ire eji ikikpa ejit kiji inyi Jioba me uriaak, ọmọ mokinyi eji esuuk ejit mè unye isasa ime inu geelek eji ekije itibi.—Filip 4:6, 7; 1 Tes 5:17.

Nkween̄mkpọ Ntitiin̄. Ikup ufiak ibe eji ekerie inorie emen ekwukwu mè ekegọọk ebi bọn nte kiji egbaan̄ mkpọ erọ, ogak ge me mgbọ keyi eji ekiluk me emen. (Iburu 10:24, 25) Mgbọ geelek eji ekineen̄ lek ijaan̄, ikisi nkween̄mkpọ ntitiin̄ mè ikifọọk ikọ, Jioba mokisa ekwukwu mbuban kan̄ ikitap ubọk inyi eji.—Ichi 2:29.

Ikwaan̄ Uko. Ire eji ikitap lek me lek ikwaan̄ uko, ikọkọt ikito chieen̄ me lek mkpọ echi onwọnwọn mofet me lek kiji. Eji si mekirọ inyi mgbaan̄je kiji melek Jioba mè ebi melek kiji ekigbaan̄ isi ikwaan̄ orere, bọn nte kiji, ikinye.—1 Kọr 3:5-10.

IKPỌ FIDIO JIOBA MOBỌKỌ OWU ITAP, MÈ IFỌỌK IDODO CHI:

• Keke otap ubọk inyi Malu ufuna ikọt ikup iriaak me lek Jioba me mgbọ ikikwek isi me lek ufialek?

  Your answer

• Ike owa ke inu okup me ikpa Okwa Itọn̄ 34:18 obosa ikat eji ejit ike ikatbe Malu ejit?

  Your answer

• Ike owa ke inu Malu ojebe itibi osa ijeen̄ eji ibe ke Jioba ikekinyi eji “unye ògak otutuuk unye” me mgbọ eji ekikwek isi me lek ufialek?—2 Kọr 4:7

  Your answer