Onyan̄ Iba 19-25
OKWA ITỌN̄ 8-10
Okwa Eyi 2 mè Uriaak | Usem Ebesa Ibene (Nkikek mgbọ 1)
1. “Jei Jioba, Matọn̄ Owu”!
(Nkikek mgbọ 10)
Jioba inwọn enenen isa inyi eji (Itọn̄ 8:3-6; w21.08 3 ¶6)
Eji ekisa me ubelejit ikitọn̄ Jioba sa me ikpakpa mkpọ ofolek ikpele ikwaan̄ kan̄ inyi ebi ofifi ene (Itọn̄ 9:1; w20.05 23 ¶10)
Eji si ekitọn̄ ọmọ mgbọ geelek eji esikisa otutuuk ejit kiji ikọt okwa inyi ọmọ (Itọn̄ 9:2; w22.04 7 ¶13)
DO LEK KWUN̄ IBE, ‘Me ofifi oniin̄ echi owa ke mbakọt ikitọn̄ Jioba?’
2. Week Inu Unye Otu Ewe Okup Me Usem Awaji
(Nkikek mgbọ 10)
-
Itọn̄ 8:3—Keke ke ogwu okọt okaan̄ me nkeek me mgbọ ikitumu mkpọ ofolek ubọk mè iyaka ire otubọk Awaji? (it-1 832)
-
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Itọn̄ 10:1-18 (th inu nkween̄ 11)
4. Ibebene Ukpatu
(Nkikek mgbọ 3) INANAN̄A ME UWU IRE UWU. Ogwukaan̄ uwu itumu inyi owu ibe ke ọmọ ikachieek me lek Awaji. (lmd inu nkween̄ 5 agba eyi 4)
5. Igọgọọk Ulọk
(Nkikek mgbọ 4) ME MGBỌ OKASIBIBE UKO. Me usem enyi ekpabe me mgbọ oraraka, ene ya itumu inyi owu ibe ke ọmọ ikachieek me lek Awaji, ire, ke ọmọ iweek iwọwọlọ ikpọ inu echi okijeen̄ ibe ke Ogwu Orom omaan̄. (th inu nkween̄ 7)
6. Usem
(Nkikek mgbọ 5) w21.06 6-7 ¶15-18—Ibot Usem: Tap Ubọk Nyi Ebi Okigọọk Ikween̄ Baibul Ibe Etọn̄ Jioba. (th inu nkween̄ 10)
Okwa Eyi 10
7. Ike Obosa Ikilook Ata Etip Me Oniin̄ Ukpatu Ya Obokije Me Lek Kan̄ Me Mgbọ Okasibibe Uko
(Nkikek mgbọ 10) Igbaan̄ ikpa.
Oniin̄ ge eji ebekọt ikisa itọn̄ Jioba igbaalek ire ikekilook ata etip inyi ebi eji ekichichini usen geelek. (Itọn̄ 35:28) Me adasi mgbọ, eji mekọt ikikaan̄ ukpook ofolek ilolook ata etip inyi ebi ene me mgbọ eji kpesibi uko. Ire, mgbọ geelek eji esikween̄ ikekitele ibe ukpatu ikije me lek kan̄, eji mekọt ikirọ ijaan̄ mè ikinwọọn̄ si!
Fit FIDIO Bem Lek Ilolook “Ata Etip Eyi Esuuk”—Kibene Usem Melek Ebi Ene. Mè do ebi ikigban̄ ibe:
Keke ke okween̄ inan̄a me lek fidio yi eyi obotap ubọk inyi owu okọt okolook ata etip ojaan̄ me mgbọ okasibibe uko?
Usini mkpọ echi obokọt itap ubọk inyi owu okọt obene ukpatu:
-
Kiweek irek obosa ibene ukpatu mgbọ geelek osinan̄a me uwu. Beek uriaak ofolek, mè kibeek Jioba ibe itap ubọk inyi owu omun̄ ogwu oboweek igbagban̄
-
Kaan̄ eru unene mè kijeen̄ ulọk me lek ebi okichichini. Sa inyi oriọọn̄ mkpọ ge ofolek ene ya eyi obokọt itap ubọk inyi owu oriọọn̄ atikọ Baibul eyi ibokaan̄ ulọk me lek
-
Mè ire ifet, sa-nu mè ire omokọt ikaan̄ fun number kan̄ mè iyaka ire ere ikiluk
-
Kasisaak lek kwun̄ mè ire okakọt ikpa mkpọ ofolek Baibul sabum usem ya onota
-
Kikeek mkpọ ofolek ene ya enyi isikpa usem isan̄a. Kup nye kijeen̄ ulọk me lek kan̄ sa me ikekiria link ofolek ere Baibul mè iyaka ire ibot usem me jw.org
Rọ eyi: Ire ene ge ido owu ibe, ‘Ike owa ke ota nde kwun̄ oje?,’ tumu nyi ene ya inu ge okween̄be me nkween̄mkpọ ntitiin̄ mè iyaka ire ofolek ikwaan̄ kwun̄ kubọk ogwu okijeen̄ ebi ene Baibul.
8. Ufiak Ntitiin̄
(Nkikek mgbọ 5)
9. Nkween̄mkpọ Baibul Eyi Ntitiin̄
(Nkikek mgbọ 30) bt ibot 6 ¶1-8, mè ibebene eyi okpọkọ 2
