Okpa Onyan̄ 27–Onyan̄ Iba 2
OKWA ITỌN̄ 140-143
Okwa Eyi 44 mè Uriaak | Usem Ebesa Ibene (Nkikek mgbọ 1)
1. Rọ Eyi Obokọt Osibeek Jioba Ibe Itap Ubọk Inyi Owu
(Nkikek mgbọ 10)
Kup me mbem lek ibọbọkọ nteme mè nkan̄-inu (Itọn̄ 141:5; w22.02 12 ¶13-14)
Kigwu nkeek kom me lek mkpọ Jioba orọ isasa itap ubọk inyi eji (Itọn̄ 143:5; w10 3/15 32 ¶4)
Sa inyi okomun̄ mkpọ ike Jioba okimun̄ (Itọn̄ 143:10; w15 3/15 32 ¶2)
Ikare mbeek Debit obeekbe isasa iweek ntap-ubọk gaalek okup me ikpa Okwa Itọn̄ ibot 140-143, ere Baibul cha si iben usem echi okijeen̄ ibe ke irọ mkpọ igọọk me lek inu ibeekbe.
2. Week Inu Unye Otu Ewe Okup Me Usem Awaji
(Nkikek mgbọ 10)
-
Itọn̄ 140:3—Keke orọ Debit osabe otu alọm ebi ikpak isa itọt me lek ejeek ijijinu? (it-2 1151)
-
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Itọn̄ 141:1-10 (th inu nkween̄ 12)
4. Ibebene Ukpatu
(Nkikek mgbọ 4) ME MGBỌ OKASIBIBE UKO. Bene kitumu mkpọ ofolek Baibul eyi otapbe ubọk inyi ene isan̄a. (lmd inu nkween̄ 3 agba eyi 5)
5. Igọgọọk Ulọk
(Nkikek mgbọ 3) ILOLOOK ATA ETIP ME ERE UWA ENE. Ene ya itumu inyi owu ibe ke ọmọ ikaan̄ mkpọ ikirọ me ubọk. (lmd inu nkween̄ 7 agba eyi 3)
6. Ikpakpa Nchieek Kwun̄
(Nkikek mgbọ 5) Orirom. ijwfq ibot usem 21—Ibot Usem: Keke Orọ Ebi Ata-Ikọ Jioba Kpekibọkọ Eje? (th inu nkween̄ 7)
Okwa Eyi 141
7. Neen̄ Lek Ban Irek Echi Oboweek Ibe Esa Owu Esi Uwu Ugwun̄ Mè Iyaka Ire Esi Ikwaan̄ Me Lek Kwun̄
(Nkikek mgbọ 15) Igbaan̄ ikpa.
Jioba ichieek use irere “ogwu ntap-ubọk òkikup melek kiji mgbọ geelek uyọrọlek otetbe eji.” (Itọn̄ 46:1) Irek echi oboweek ibe esa ene esi uwu ugwun̄ mè iyaka ire esi ikwaan̄ me lek ene mokọt inyi ene saasaak. Ire, Jioba inyi eji otutuuk inu geelek eji eweekbe isasa ineen̄ lek me lek mbet irek okup ikeya. Kubọk inu njeen̄, ntitiin̄ kan̄ isan̄a ikpa durable power of attorney (DPA), Identity Card, a mè ofifi ofifi ikpa ofolek ikakaan̄ ngwa b melek ebi Hospital Liaison Committees (HLC) isibi. Otutuuk inu chi ire isasa itap ubọk inyi eji esiki ibot enyi ikan Awaji ofolek eje.—Ikwaan̄ 15:28, 29.
Fit FIDIO yi Ire Obem Lek Me Lek Irek Oboweek Ibe Esa Owu Esi Uwu Ugwun̄? Mè do ebi ikigban̄ ibe:
-
Ike owa ke usini ene esa ikaan̄ oruru inan̄a me lek igege ikpa DPA?
-
Ike owa ke usini ene esa ekaan̄ oruru inan̄a me lek ikpa Information for Expectant Mothers (S-401)?
-
Keke orọ inwọnbe ibe egwen ebi HLC ugwat ugwat me lek inu geelek oboweek ibe ene ikup me uwu ugwun̄, esi ikwaan̄ me lek ene mè iyaka ire ibọbọkọ ngwa kubọk eyi orukan̄ cancer, ikerere ibe ke irek ya ikup kubọk ikpoweek ibe etap ene eje me lek?
8. Nkween̄mkpọ Baibul Eyi Ntitiin̄
(Nkikek mgbọ 30) bt ibot 21 ¶14-22
Usem Nkana-ngwook (Nkikek mgbọ 3) | mè Uriaak
a Bọn ute ebi ikakaan̄ ntap-me-mun̄ mekọt ibọkọ ikpa DPA me ubọk ogwu okikpọ chieen̄ me lek ikpa me ntitiin̄ isa inyi lek kiban̄ mè ibọkọ ikpa Identity Card isa inyi nsabọn kiban̄ ebi asasa.
b Mekọt ido ikpa information for Expectant Mothers (S-401), Information for Patients Requiring Surgery or Chemotherapy (S-407), mè Information for Parents Whose Child Requires Medical Treatment (S-55) me ubọk ebi ugane ntitiin̄ me ire ufiak ikup.
