Jioba inyi eji mkpọ ikwaan̄ echi oborọ ufuna eji ekọt ekejeen̄ mkpọ ejaan̄, kubọk fidio, mfufet ikpa, ikpa mfufet udun̄, broshọ, ikpa omimiin̄, melek achubọk mkpọ ikwaan̄ kiji, orere Baibul. (2 Tim 3:16) Inyi eji mkpọ echi ebekisa iwọlọ emen usem Awaji, echi obotap ubọk irọ ufuna eji ekọt ekekpa usem Awaji esibi ejaan̄. Echi igọbọ Watchtower Library, JW Library^® app, Watchtower ONLINE LIBRARY™, melek Research Guide for Jehovah’s Witnesses.

Owu omokaan̄ Unwọọn̄ me ike mgbọ okebisa otutuuk inu chi iweek inu unye otu ewe okup me emen Usem Awaji. Mun̄ ibe ke okpukpo ogwu okigọọk ikween̄ mkpọ ufuna ikọt ikisa inu chi irọ ikwaan̄. Mgbọ ya ke ema si ebekaan̄ unwọọn̄ me ema iweweek ufọọk-otu inyi idodo kiban̄ ofo me lek Baibul imun̄.

KPỌ DRAMA KAAN̄ UNWỌỌN̄ EKIKAAN̄ ME IRỌRỌ ENE EBI UDUN̄ KÈ KARAIS—BỌKỌ NTAP-UBỌK KÈ JIOBA TAP—MKPỌ ECHI EKISA IWỌLỌ EMEN USEM AWAJI, MÈ IFỌỌK IDODO CHI:

• Kpasi inu ke Utoon̄ ikachieek ofo me lek inu nrom?

• Owa ke Matọn̄ omun̄lek ukpatu ofo me lek ibot usem ya?

• Ike owa ke isa igobo usem echi obochubọk ifọọk otu idodo Utoon̄?

• Kpasi mgbaan̄ ke isasa inu ekisa iwọlọ emen usem Awaji irọ inu okaan̄ me lek Matọn̄?