Onyan̄ Onaan̄ge 16-22
OKWA ITỌN̄ 85-87
Okwa Eyi 41 mè Uriaak | Usem Ebesa Ibene (Nkikek mgbọ 1)
1. Uriaak Okitap Ubọk Inyi Eji Ekọt Ekeme
(Nkikek mgbọ 10)
Beek Jioba ibe inyi owu unwọọn̄ (Itọn̄ 86:4)
Beek Jioba ibe itap ubọk inyi owu okup onye okogbe utoon̄-ejit (Itọn̄ 86:11, 12; w12 5/15 25 ¶10)
Toon̄ ejit ibe ke Jioba mofọọk otu uriaak kwun̄ (Itọn̄ 86:6, 7; w23.05 13 ¶17-18)
DO LEK KWUN̄ IBE: ‘Nsikup me emen ufialek, ire nkekiriaak uriaak owuwa mgbọ, ire uriaak n̄a ikekijọnọ ni?’—Itọn̄ 86:3.
2. Week Inu Unye Otu Ewe Okup Me Usem Awaji
(Nkikek mgbọ 10)
-
Itọn̄ 86:11—Keke ke uriaak Debit okijeen̄ eji ofolek ejit ene? (it-1 1058 ¶5)
-
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Itọn̄ 86:1–87:7 (th inu nkween̄ 12)
4. Ibebene Ukpatu
(Nkikek mgbọ 3) ME MGBỌ OKASIBIBE UKO. Week ibebene nkween̄mkpọ Baibul. (lmd inu nkween̄ 3 agba eyi 5)
5. Igọgọọk Ulọk
(Nkikek mgbọ 4) ME MGBỌ OKASIBIBE UKO. Week ibebene nkween̄mkpọ Baibul me lek ogwu owuwuulek itumu inyi owu ibe ke ọmọ ikikaan̄ saasaak me lek mkpọ ge orọrọ ikafiin̄ge. (lmd inu nkween̄ 7 agba eyi 4)
6. Irọrọ Ene Ebi Udun̄ Kè Karais
(Nkikek mgbọ 5) lff inu nkween̄ 15 agba eyi 5. Gọọk ogwu okikween̄ mkpọ neen̄ ubọk ibọkọt ikaan̄ nkween̄mkpọ Baibul eyi okpobokup me nde okinu. (lmd inu nkween̄ 10 agba eyi 4)
Okwa Eyi 83
7. Kawọ Lek
(Nkikek mgbọ 5) Igbaan̄ ikpa .
Fit FIDIO yi. Mè do ebi ikigban̄ ibe:
-
Keke orọ usini mgbọ efuuk obokọt ita eji me owot me ikwaan̄ uko?
-
Keke orọ eji kpebewọ lek?
8. Kweek Nye Kiweek Ibebene Nkween̄mkpọ Baibul!
(Nkikek mgbọ 10) Igbaan̄ ikpa.
Ire osa brosho Nwọọn̄ Ugwem Re Mgbọ Geelek! isa ibene ikigọọk ene ikween̄ Baibul me ibebene nkween̄mkpọ Baibul eyi osibi esese me onyan̄ keyi ni? Ire ikeya ejit kwun̄ ira ikibele! Usini mgbọ si ebi ofifi ene mira ikaan̄ ntap-efuuk-me-owot inan̄a me lek. Ire, me ire okabebene nkween̄mkpọ Baibul, omokọt ikikeek me ire efuuk kwun̄ ikaan̄ oruru. Keke ke oborọ me ire efuuk ikita owu me owot mije okabebene ikisun̄ nkween̄mkpọ Baibul?
Fit FIDIO yi “Eji Ekijeen̄ Ibe Ke Eji Ire Ebi Ikwaan̄ Awaji . . . sa me Imeme Inu”—Mgbọ Eji Ekilook Ata Etip. Mè do ebi ikigban̄ ibe:
-
Ike owa ke inu okup me ikpa Ebi Kọrint Eyi Òso Iba 6:4, 6 obosa itap ubọk inyi eji me ire ikikup kubọk ikwaan̄ kiji ikinin̄ “udon̄ ikakaan̄ge okputut”?
-
Kpasi uwene ke obokọt irọ ire ikikup owu me lek kubọk efuuk kwun̄ me ikwaan̄ uko ikasibi oruru mije okabebene nkween̄mkpọ Baibul?
Riọọn̄ ibe ke unwọọn̄ kiji ikayaka lek imaan̄ me lek otu ifuk nkween̄mkpọ Baibul eji ebenebe mè iyaka ire ikisun̄. Kpan̄asi ikeya, eji ekikaan̄ unwọọn̄ mije eji miriọọn̄ ibe ke Jioba ikibebele ejit me lek efuuk eji ekitap. (Luk 10:17-20) Eya orọ kweek nye kisa otutuuk ejit kwun̄ tap me lek ibebene nkween̄mkpọ Baibul eyi osibi esese yi mije owu oriọọn̄ ibe ke ‘kwulukwulu geelek okwukwulube inyi Okaan̄-ene ìkpochep me ikike’!—1 Kọr 15:58.
9. Nkween̄mkpọ Baibul Eyi Ntitiin̄
(Nkikek mgbọ 30) bt ibot 15 ¶13-14, okop okup me isi ikpa 121
