Eji esi isi nje nchak miya ire ikisun̄ nkween̄mkpọ Baibul, ikup ufiak ibe eji etap ubọk enyi ebi ikigban̄ utọn̄ me lek kiji egobo etet okpan okpan usem eji ekikpa. Sa me ikekikpa okpan okpan usem chi, eji mekọt iriki ulọk kiban̄ mè irọ inyi ifet ikekeek.

Ike okineen̄ lek isisi nje nchek miya ire isi isun̄ nkween̄mkpọ Baibul, kaan̄ me nkeek okpan okpan usem cha, ikare ukpatu echi ikakupge me ufiak, ke obokikpa. Gobo inu ntọt-me-lek okup mfufet echi ekisa irọ inu mgbọ geelek (Mat 5:14-16; Mak 2:21; Luk 14:7-11) Omokaan̄ me nkeek si irek mè irọrọ ogwu okigban̄ owu. (Luk 5:2-11; Jọn 4:7-15) Osimumun̄ ike isabe ikpọk mbum me isi kan̄ ibe ke igobo itet inu okpabe ya, obokpikaan̄ unwọọn̄.

IKPỌ FIDIO KAAN̄ UNWỌỌN̄ EKIKAAN̄ ME IRỌRỌ ENE EBI UDUN̄ KÈ KARAIS—RỌ INYI UBỌK OKISA ILOOK ETIP IKINWỌN—IRỌRIỌỌN̄ UBỌK IKPA OKPAN OKPAN USEM, MÈ IFỌỌK IDODO CHI:

• Keke orọ ebi eji ekigọọk ikween̄mkpọ ebeweek ntap-ubọk inyi ekọt egobo etet agba ere Baibul ema ekebikween̄?

• Ike owa ke Matọn̄ osa ikpa atikọ okup me ikpa Ebi Rom 5:12?

• Kpasi mgbaan̄ ke inu ntọt-me-lek okikaan̄ me lek ebi ikigban̄ eji?

• Me ikwaan̄ uko kiji, keke orọ ikupbe ufiak ibe me eji ekesa fidio mè usini inu okup me emen okop mkpọ ikwaan̄ kiji echi ntitiin̄ osan̄abe isibi erọ inu?