Ima ibet lek mgbi eyi okigbaan̄ ototun̄ ukan̄ igọbọ ikaan̄. Ire kpunu ima, moyọt ebi ototun̄ ukan̄ ikọkọt ikup me obọp ge mè ikigbaan̄ irọ mkpọ me lek ge mè ge. Ike owa ke olom, nwa, melek uga mè ute ebekisa ijeen̄ ima me emen ototun̄ ukan̄?

Olom okakaan̄ ima mokiriọọn̄ ufiak nwa kan̄, ngobo-ntet nwa kan̄, melek nkeek kan̄. (Efes 5:28, 29) Mokinyi ebi ototun̄ ukan̄ kan̄ inu echi anam lek mè ikirọ inyi ema eketaba lek eriaak me lek Jioba, eyi igọbọ ikekikaan̄ Nkween̄mkpọ Ototun̄ Ukan̄ me mgbọ geelek. (1 Tim 5:8) Nwa okakaan̄ ima mokisiki ibot mè ikijeen̄ ogwu olom “udọk udọk ulibi.” (Efes 5:22, 33; 1 Pita 3:1-6) Ema olom mè nwa mekaan̄ ulọk ikekitele inyi ge mè ge me ikike. (Efes 4:32) Uga mè ute ikakaan̄ ima mekijeen̄ ulọk me lek nsabọn kiban̄ ge ge mè ikijeen̄ ibe ekaan̄ ima me lek Jioba. (Ikan 6:6, 7; Efes 6:4) Kpasi rumurumun̄ ke nsabọn kiban̄ ekichichini me uwu ikpa? Ike owa ke ema ekikọt irọ inu me lek ukeme eyi otu ogbo? Mgbọ geelek ima isimin me emen ototun̄ ukan̄, otutuuk ebi ototun̄ ukan̄ mekaan̄ ikput lek melek utelelek.

IKPỌ FIDIO JEEN̄ ATA IMA ME EMEN OTOTUN̄ UKAN̄ KWUN̄, MÈ IFỌỌK IDODO CHI:

• Ike owa ke olom okakaan̄ ima okisa ikpọ chieen̄ me lek ogwu nwa?

• Ike owa ke nwa okakaan̄ ima okisa ijeen̄ ogwu olom udọk udọk ulibi?

• Ike owa ke uga mè ute ikakaan̄ ima ekisa irọ inyi nsabọn kiban̄ ekema Usem Awaji?