Nkan̄-inu ichubọk ikaan̄ mgbaan̄ me lek ikekiteme mè ikinyi ene kpokpo, ire, igọbọ si inenen̄e ene isun̄ mè ikinyi ene osusut. Jioba ikinyi eji nkan̄-inu ufuna eji ekọt eketọbọ ebum enyi ọmọ me ike iweekbe. (Rom 12:1; Iburu 12:10, 11) Usini mgbọ osusut ikakitop ire, ikekirọ inyi ene ire ogwu ata irọrọ mè orọ inyi ekaan̄ si ugbana. (Urọk 10:7) Keke ke ebi ikinyi nkan̄-inu melek ebi ekebinyi nkan̄-inu ebekaan̄ me nkeek?

Ogwu okinyinyi. Ebi ugane ntitiin̄, uga mè ute, melek ebi ofifi ife mekitap efuuk imumun̄ ibe ke ema mekisa me ima melek ata ejit ikisa inyi nkan̄-inu kubọk Jioba okebinyi. (Jeri 46:28) Ikerere nkan̄-inu onyenye, more eyi ebenyi ikpọ me lek ufiak irebe inan̄a me lek ima si.—Tai 1:13.

Ogwu ekebinyi. Ikakaan̄ ubọk geelek nkan̄-inu ya osabe inu inyi eji, eji ekajit ire, esa etap me ikwaan̄ me ugwat ugwat. (Urọk 3:11, 12) Kubọk ire ebi kpesoge, otutuuk kiji miweek nkan̄-inu eyi mokọtbe inu me esese esese oniin̄. Eji mekọt ibọkọ nkan̄-inu inan̄a me lek mkpọ eji efukbe me emen Baibul mè iyaka ire inọ me emen ntitiin̄. Usini mgbọ si usini ene meweek nkan̄-inu inan̄a me ubọk ebi ebi ugane ntitiin̄ egobobe ibe esibi oyerebet ya. Ire eji ikibọkọ nkan̄-inu itap, eji meluk ugwem onwọnwọn mè ikaan̄ si ugwem ikakaan̄ge itata.—Urọk 10:17.

IKPỌ FIDIO “JIOBA ÌKIKAN̄ INU INYI OGWU IMABE,” MÈ IFỌỌK IDODO CHI:

• Ike owa ke Canon owuuk lek ikiluk ugwem, ike owa ke iyaka isa irọ unwene?

• Kpasi nkan̄-inu ojejeen̄ ima ke ibọkọ me ubọk Jioba?

• Keke ke eji ekween̄ inan̄a me lek inu ijebe itibi?