Mije ima eji ekaan̄be me lek ebi ngwan̄ kiji, eji mikaan̄ ikpọchieen̄ mè iyaka ire utoon̄-ejit ibe ke ema mekirọ ata inu. (1 Kọr 13:4, 7) Kubọk mkpọ njeen̄, ire gwun̄ ute ge irọ ijo inu eyi orọrọ ibe enyi ogọt ikan̄-inu, eji mikaan̄ ikpọchieen̄ mè iyaka ire utoon̄-ejit ibe ke mobọkọ ikan̄-inu ya itap mè irọ unwene. Eji mikikaan̄ ime me lek ebi ichechieek owọbe mè ikitap ubọk enyi ema. (Rom 15:1) Ire ene itele ntitiin̄, eji ekekikpọ chieen̄ ibe ke mogwu ikom inu usen ge.—Luk 15:17, 18.

IKPỌ FIDIO KEEK MKPỌ IMA OKEBIRỌ—IKIKAAN̄ IKPỌCHIEEN̄ IBE KE INU MONWỌN, MÈ IFỌỌK IDODO CHI:

• Ike owa ke igbegbe utoon̄-ejit kè Abina osa inwene?

• Ike owa ke Debit melek Jowabu esa irọ eru me lek inu Abina odobe?

• Keke orọ eji ebebak lek ikikpọ chieen̄ ibe ke bọn ute kiji mekirọ ata ntumu-mfieek?