Kubọk ebilene ebi ekasoge, ikup ufiak ibe eji ekup enye ekekaan̄ ntet-lek me lek olilọk kiji. Ire eji ikirọ inu geelek eji eweekbe, eji mekọt ichep nnwọn-isi kè Jioba. Kubọk inu njeen̄, usini ebi ene mima inorie, mkpọ lek, melek ere iluluk igak Awaji. Bak lek olilọk ilaak usini ene ekaan̄be, mikibubat mè ikikpọ chieen̄ ilọ me lek ikan Awaji. (Rom 1:26, 27) Usini ene si michieek ibe ebi otu ogbo kiban̄ eleke ema etap me ijo inu bak lek eweekbe ibe ife cha ema ema.—Isis 23:2.

Ike owa eke eji ebekọt isa ikitọ ikọ inyi olilọk kiji? Eji metet lek inye ikikeek mkpọ echi Jioba omabe. (Mat 4:4) Eji mekibeek Jioba ibe itap ubọk inyi eji ekọt ekeke ekeme ijo olilọk. Ijeje ikup ufiak ni? Mije Jioba iriọọn̄ inu onwọnwọn ichit inyi eji, ọmọ iriọọn̄ si ubọk mokọtbe irọ inyi eji ekaan̄ ata inu echi eji eweekbe.—Itọn̄ 145:16.

IKPỌ FIDIO KACHIEEK IBE OKWU MIJE SIGA, MÈ IFỌỌK IDODO CHI:

• Eke orọ usini ebi ene ekinwọ siga?

• Keke ke inwọnwọ siga obọkọt irọ owu?

• Keke orọ inwọnwọ siga olọbe?—2 Kọr 7:1

• Keke obotap ubọk inyi owu okọt ojit mè iyaka ire otele inwọnwọ siga?