Keke ore Baibul eyi efukbe isibi? Baibul eyi efukbe isibi ire New World Translation eyi ekpọbe ige eyi efukbe isibi. Mekisan̄a isibi sọnja sọnja me owuwa ida usem. Ge me lek mkpọ osibi esese me lek Baibul yi efukbe isibi ire, esa esese esese ida isa ifuk usem esese esese ene me Baibul. Erọriọọn̄ ubọk igon aban̄ me lek usem ogbegbe mè ifuk me oniin̄ osasan̄a nkeek okup me ere Baibul cha isibi ijaan̄.

Ike owa ke usini ene ekisa ikaan̄ oruru inan̄a me lek Baibul eyi efuk isibi yi? Owuwa ebi ikiman̄ lek igban̄ Baibul efukbe isibi yi mima ike esabe irọ me Usem Awaji isibi utoon̄ inyi ema. Ike ema ekinọ esese esese ida okifuk usem esese esese ene me emen Baibul ikirọ inyi ema ekekeek ubọk inu cha osabe irọ mè egobo usem egebe cha etet ejaan̄. (Urọk 4:5) Owuwa ene si mimun̄ ibe ke ikekigban̄ Baibul eyi efukbe isibi ikirọ inyi lek kiban̄ ikup dii ema esikikaan̄ sasaak.—Itọn̄ 94:19.

Ikekigban̄ Usem Awaji efukbe isibi mokọt ikaan̄ mgbaan̄ omimin me ugwem kiji. (2 Mfuf 34:19-21) Ire Baibul eyi efukbe isibi mè ire eyi okpọkọ sa ire eyi ososo ikup me ida usem obokọt igobo itet, ire omokọt ikigban̄ egwe geelek mè irọ ibe ikana inu ge obokirọ me ugwem kwun̄ ni?

IKPỌ FIDIO UBỌK ESABE IRỌ BAIBUL EYI EFUKBE ISIBI —OKPỌKỌ ME LEK, MÈ IFỌỌK IDODO YI:

Keke ke oma ofolek ubọk esabe irọ Baibul eyi efukbe isibi?