Onyan̄ Go 27–Onyan̄ Gweregwen 2
OKWA ITỌN̄ 42-44
Okwa Eyi 86 mè Uriaak | Usem Ebesa Ibene (Nkikek mgbọ 1)
1. Sa Kpokpo Okibọkọ Inan̄a Me Ubọk Jioba Sa Rọ Inu Jaan̄
(Nkikek mgbọ 10)
Kigọọk ebi ofifi ife kigbaan̄ tọbọ ebum nyi Jioba, ire ifet, monwọn ibe okorọ ikeya isi mè isi (Itọn̄ 42:4, 5; w06 6/1 9 ¶4)
Kiriaak uriaak sabum okween̄ Usem Awaji (Itọn̄ 42:8; w12 1/15 15 ¶2)
Tele ibe atikọ Baibul ikiban owu me inu geelek okirọ (Itọn̄ 43:3)
Kpokpo kè Jioba ikinyi eji unye isasa ime ufialek mè ekọt erọ eso use eji echieekbe itọtọbọ ebum inyi Jioba isi ire mgbọ geelek.—1 Pita 5:10; w16.09 5 ¶11-12.
2. Week Inu Unye Otu Ewe Okup Me Usem Awaji
(Nkikek mgbọ 10)
-
Itọn̄ 44:19—Keke ke usem ‘ere ebi ibo oron afa ekikup’ okitumu mkpọ ofolek? (it-1 1242)
-
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Itọn̄ 44:1-26 (th inu nkween̄ 11)
4. Ibebene Ukpatu
(Nkikek mgbọ 4) INANAN̄A ME UWU IRE UWU. Bene nkween̄mkpọ Baibul. (lmd inu nkween̄ 5 agba eyi 5)
5. Igọgọọk Ulọk
(Nkikek mgbọ 5) INANAN̄A ME UWU IRE UWU. Gwen ene ya me lek usem isi ogbọ oyet okinu. Fit fidio Keke Okibọkọ Irek me emen Uwu Ntitiin̄ Eyi Ama Ubọọn̄? (lmd inu nkween̄ 7 agba eyi 5)
6. Usem
(Nkikek mgbọ 3) lmd inu etapbe isọkọ A agba eyi 4—Ibot Usem: Otutuuk Ene Mekaan̄ Unye Akpalek. (th inu nkween̄ 2)
Okwa Eyi 21
7. Rọ Ata Ntumu-Mfieek Ofolek Uwu Ikpa mè Ikwaan̄
(Nkikek mgbọ 15) Igbaan̄ ikpa.
Ebi ijija, ire enyi mekitọt inu enyi eberọ ire enyi esibi uwu ikpa ni? Usini mgbọ, owu ora ikaan̄ ikwaan̄ ge me nkeek eyi obotap ubọk inyi owu okọt ogbọ oniin̄ ojot mgbọ. Mè iyaka ire, owu ora ikikeek ibọbọkọ kpokpo eyi obonyi owu uka mè ikpa unye eyi obotap ubọk inyi owu okọt omun̄ ikwaan̄ ya. Mgbọ keyi ire mgbọ obokitotop me ugwem kwun̄! Ire, usini mgbọ, okpoboriọọn̄ inu oborọ mije owuwa mkpọ ọmọ owa obokọt irọ mè iyaka ire omokọt ikichichini ukeme irọrọ mkpọ echi oboneme ebi ofifi ene. Keke obotap ubọk inyi owu orọ ata ntumu-mfieek ni?
Fuk Matiyu 6:32, 33. Mè do ebi ikigban̄ ibe:
-
Keke orọ ikupbe ufiak ibe oto inu emen ekwukwu me isi sabum onorọ ntumu-mfieek ofolek uwu ikpa mè ikwaan̄?
-
Ike owa ke ute mè uga ebesa itap ubọk inyi nsabọn kiban̄ ibe esa inu okup me ikpa Matiyu 6:32, 33 erọ mkpọ?—Itọn̄ 78:4-7
Gbala chieen̄ inyi okachieek ibe ulọk ibọbọọn̄ ubọọn̄ mè itataan̄ etip ikaan̄ mgbaan̄ me lek ntumu-mfieek kwun̄. (1 Jọn 2:15, 17) Riọọn̄ ibe ke ikakaan̄ owuwa ikpoko mokọt irọ ibe iyọt me lek ene ibọbọkọ etip Ama Ubọọn̄ itap. (Luk 18:24-27) Ililibi igọọk ikpoko morọ inyi iyọt me lek ene ikakaan̄ ichechieek onyenye mè irọrọ mkpọ obokibele Jioba ejit.—Mat 6:24; Mak 8:36.
Fit FIDIO yi Gbala Chieen̄ Inyi Okatoon̄ Ejit Me Lek Inu Eyi Kpobobia!—Inu Nkaan̄. Mè do ebi ikigban̄ ibe:
-
Ike owa ke mkpọ okup me ikpa Urọk 23:4, 5 obosa itap ubọk inyi owu orọ ata ntumu-mfieek?
8. Nkween̄mkpọ Baibul Eyi Ntitiin̄
(Nkikek mgbọ 30) bt ibot 10 ¶5-12
