Eji mikaan̄ ebi itọtọbọ ebum inyi Jioba me owuwa acha me ntitiin̄ kiji. Eji mekọt ikween̄ mkpọ inan̄a me lek ubọk ema esabe iyaka lek imaan̄ me lek Jioba. Eji mekọt ido ema mfufuk ofolek ntitiin̄ kè Jioba, mè rumurumun̄ ema ekaan̄be mè ikọt itim igak sa me ntap ubọk kè Jioba. Eji mekọt igwen ogwu ugane ge ibe inu Nkween̄mkpọ Ototun̄ Ukan̄ kiji mè ido ọmọ mkpọ ijebe itibi.

Ire owu ire ogwu okukup ifiin̄ me ntitiin̄, kikpa ichechieek kwun̄ nyi ebi eyi Karais ebi ijija. Jekọp mè Josefu mikpa inu ema ejebe itibi inyi bọn kiban̄. (Ibeb 48:21, 22; 50:24, 25) Me mgburudun̄ mgbọ, Jioba itumu inyi ebi ibot ototun̄ ukan̄ ibe ekejeen̄ nsabọn kiban̄ mkpọ ofolek ikpele ikwaan̄ kan̄. (Ikan 4:9, 10; Itọn̄ 78:4-7) Me chereyi, ebi ute mè uga melek ebi ofifi ife me ntitiin̄ mekọt ikijeen̄ ebi ijija uyeke uyeke inu Jioba osabe ntitiin̄ kan̄ irọ, echi ema emun̄be.

IKPỌ FIDIO IKUKUP ME OBỌP GE ME MGBỌ ECHITBE IKWAAN̄ KIJI, MÈ IFỌỌK IDODO CHI:

• Ike owa ke otu agọọk ikwaan̄ okup me Austria osa itap ubọk inyi bọn ute kiji me usini ido ere echitbe ikwaan̄ kiji?

• Ike owa ke bọn ute ikup me ido chi esa ikweek inye me ichechieek?

• Eke orọ inyi bọn ute ikup me Romania etele ntitiin̄ kè Jioba, kpa ubọk ke ema esa igwu ikom inu?

• Ike owa ke inu chi okisa inama ichechieek kwun̄ inye?