Ota Ijọk Iraraka eyi Jisọs orọbe isibi esese. Bak lek ibe ke mkpa kan̄ okigbet, Jisọs igọọk ebi otuchieen̄ kan̄ irie Ijọk Iraraka, mè itọbọ ọdọ ayaya orirọ eyi ebekirọ me acha geelek, orere Inorie Ikakwun̄ Okaan̄-ene. Eya orọ, Jisọs oraria Pita melek Jọn ibe esi eneen̄ agwut ge esun̄. (Luk 22:7-13; kpọ ogugo okup me isi ikpa yi.) Eyi ikikeek eji ibe ke ikup ufiak ibe eji eneen̄ lek me lek Orirọ Isasa Ikeek Mkpa kè Jisọs eyi eberọ me òsọ usen 27 me emen Onyan̄ Ita. Meneen̄ ogwu obonyi usem orirọ ya, miin̄ melek fituru ebesa irọ orirọ ya, mè ofifi ofifi mkpọ si me esese esese ntitiin̄. Ire, keke ke eji ge ge ebekọt irọ isasa ineen̄ lek me lek Orirọ Isasa Ikeek Mkpa Kè Jisọs?

Neen̄ ejit kwun̄. Fuk mè gwu nkeek kom me lek Ere Baibul ebefuk me mgbọ Orirọ Isasa Ikeek Mkpa Kè Jisọs. Omokọt imun̄ ubọk eneen̄be ifufuk Baibul yi me emen ikpa Examining the Scriptures Daily. Omomun̄ onineen̄ eyi obeben owuwa mkpọ igbaalek me Appendix B12 me emen revised New World Translation of the Holy Scriptures. (Kpọ si Ikpa Nkween̄mkpọ Ugwem mè Ugwem Kiji eyi Onyan̄ Ini 2020.) Ebi ototun̄ ukan̄ mekọt imun̄ ukpatu ema ebesa irọ mkpọ me nkween̄mkpọ ototun̄ ukan̄ kiban̄ ofolek ufiak ngwugwa mkpenwene sa me ikpọkpọ Watch Tower Publications Index mè iyaka ire Research Guide for Jehovah’s Witnesses.

Gwen ebi ofifi ife ibe enu. Tap lek mè igọgọọk igwen ebi ene ibe enu orirọ yi. Keek ebi obokọt igwen, kubọk ebi okebije ichak, ebi owuukbe lek igọọk ikween̄ Baibul, ebi unene kwun̄ melek ebi uwu kwun̄. Ebi ugane ntitiin̄ ekawuuk igwegwen ebi iwọwọ me ichechieek. Kawuuk si ibe ke ire ogwu obogwen ikaluk me agan̄ okebiluk, omokọt iweek iriọọn̄ mgbọ melek ere eberọ Orirọ Isasa Ikeek Mkpa Kè Jisọs me agan̄ ilukbe sa me ikekeme OFOLEK KIJI me jw.org, Ere Ibenebe mè igobo “Orirọ Isasa Ikeek.”

Keke mè keke si ke eji ebekọt irọ isasa ineen̄ lek?