Jioba, ‘Awaji ogwu ubelejit’ iweek ibe eji enwọọn̄ ikwaan̄ uko. (1 Tim 1:11) Unwọọn̄ kiji ibokimimin ike eji ekitap efuuk ikirọ inyi ubọk ilook etip kiji inwọn. Idodo mokọt iriki ulọk ebi ene, ire oniin̄ ge ekisa ibene ukpatu si. Idodo ikirọ inyi ebi ene ekegwu nkeek ekom me lek mkpọ. (Mat 22:41-45) Ire eji ido ene idodo mè igban̄ utọn̄ mgbọ ikebifọọk, ikup kubọk eji ekitumu inyi ene ya ibe, ‘Owu okup ufiak inyi emi.’ (Jemis 1:19) Ufọọk-otu ene ya obonyi mokọt itap ubọk inyi eji ekọt eriọọn̄ ejaan̄ ubọk eji ebesa ikpa ukpatu ya.

IKPỌ DRAMA KAAN̄ UNWỌỌN̄ EKIKAAN̄ ME IRỌRỌ ENE EBI UDUN̄ KÈ KARAIS—RỌ INYI UBỌK OKISA ILOOK ETIP IKINWỌN—IKEKIDO NDO-IKỌ, MÈ IFỌỌK IDODO CHI:

• Utoon̄ ikaan̄ kpasi ata eru?

• Kpa ubọk ke Metọn̄ osa idodo ijeen̄ ulọk ikaan̄be me lek Utoon̄?

• Kpa ubọk ke Metọn̄ osa idodo irọ inyi ulọk Utoon̄ okaan̄be me lek ata etip imin?

• Kpa ubọk ke Metọn̄ osa idodo itap ubọk inyi Utoon̄ ikọt igwu nkeek ikom me lek mkpọ?