Jioba iweek ibe eji ekesa me ima etọbọ ebum enyi ogọt. (Mat 22:37, 38) Ima ebi ikikween̄ Baibul ekaan̄be me lek Awaji obobieen̄ ema inyi ekerọ unwene me ugwem kiban̄ mè ekeke enye me mgbọ ntọ-mkpọ. (1 Jọn 5:3) Ire ima ema ekaan̄be me lek Awaji obobieen̄ ema ufuna ekaan̄ ntap-me-mun̄.

Tap ubọk nyi ebi okigọọk ikween̄ mkpọ emun̄ ibe ke Awaji ima ema. Kido ema mbet lek idodo kechi: “Eyi ijeen̄ owu eke ofolek Jioba?” mè iyaka ire “Ike owa ke eyi osa ijeen̄ ibe ke Awaji ima owu?” Rọ ufuna ema emun̄ ike Jioba okisa itap ubọk inyi ema. (2 Mfuf 16:9) Kpa nyi ema ike Jioba osabe ifọọk okpọkpọ uriaak echi oriaakbe, mè tap ema efuuk me owot ibe eketaba iman̄ me lek ubọk Jioba okisa ifọọk eyi kiban̄. Eji ekekikaan̄ ikpele unwọọn̄ me mgbọ eji esimun̄ ubọk ebi eji ekigọọk ikween̄ Baibul ekisa inwọọn̄ ima kè Jioba me ikitaba lek kiban̄ iriaak me lek kan̄.

IKPỌ FIDIO DRAMA TAP UBỌK NYI EBI OKIGỌỌK IKWEEN̄ BAIBUL EKAAN̄ ATA MGBAAN̄JE MELEK JIOBA, MÈ IFỌỌK IDODO CHI:

• Kpasi rumurumun̄ ke Utoon̄ ochichini?

• Ike owa ke Matọn̄ osa itap ubọk inyi Utoon̄?

• Ike owa ke Utoon̄ okọt itim igak rumurumun̄ ya?