Ikpa ge ibe ke unene ire “ogwu osasa lek kan̄ itọbọ iriaak me lek ofifi ene sa me ima mè iyaka ire ulibi ikaan̄be me lek ene ya.” Kubọk inu njeen̄, Jonatan melek Debit ebene ikana atalek unene me mgbọ Debit okpan̄be Golayat. (1 Sam 18:1) Ema mijeen̄ eru echi otataba ge iriaak me lek ge. Eyi isibi ibe ke ata ogwu unene mokaan̄ ata iriọọn̄-inu ofolek ogwu unene kan̄. Irọriọọn̄ ofifi ene ijaan̄ ikibọkọ mgbọ mè oweek si ibe etap efuuk. Ire, ifet enenen irọrọ “unene” me emen efet. Ebi eji ekichichini me emen efet ekekineen̄ mkpọ ema ebetumu eyi obokaan̄ mgbaan̄ me ubọk eji esabe ikimun̄ ema. Ọmọ orọ, ikekifet ema ikọkọt ilet mbet ene ema echubọk ire. Eya orọ, inwọn ibe otumu ofieek mbet ebi obokigọọk itet unene me emen efet. Kachieek irere unene ebi okachubọk iriọọn̄ ijaan̄ mije okaweekge ibe ema enaan̄ ejit. Usini ebi ene kpeweek irọrọ unene me emen efet mije unan echi mokọtbe inan̄a isibi. Ire, ire ke oweek ikekitet unene me emen efet, keke ke obokaan̄ me ejit?

IKPỌ FIDIO SA IRIỌỌN̄-INU KIRỌ INU ME EMEN EFET, MÈ IFỌỌK IDODO CHI:

• Keke ke obokeek mkpọ ofolek sabum oboria etip melek ogugo itap me emen efet?

• Keke orọ obokisa me ugbalachieen̄ igobo ebi unene kwun̄ me emen efet?

• Keke orọ obokaan̄ okike mgbọ obokisa irọ inu me emen efet?—Efes 5:15, 16