Me emen Onyan̄ Onaan̄ge, eji metap efuuk onyenye mè imun̄ ibe ke eji misa broshọ Nwọọn̄ Ugwem Re Mgbọ Geelek! igọọk ototun̄ ukan̄ geelek ibene nkween̄mkpọ Baibul. Ebi ikilook ata etip mekọt igobo igbọgbọ oniin̄ eyi mgbidim mgbọ mè inyi akọp mbubak mgbọ ita. Ike owa ke eji ebesa ilook etip me oniin̄ osibi esese yi?

• Me Adasi Ogwen: Sa udun̄ broshọ yi riki ulọk ene, mè jeen̄ ubọk ekisa ikpa ya ikween̄ Baibul. Kawuuk ebi iwuwuuk lek ijeen̄ ulọk, melek ebi okebije ichak. Ikerere ibe ke ema kpewuuk lek iweek ikwekween̄ Baibul me mgbọ oraraka, ema mekọt ima broshọ yi melek ubọk eji ekisa ikween̄ mkpọ mgbọ keyi. Katele broshọ yi me uwu geege eyi ene kpunube me emen mè iyaka ire ige ikpa inyi ogwu ikawuukbe lek ijeen̄ ulọk. Ebi Service Committee me ntitiin̄ kwun̄ mekọt ineen̄ ikakaan̄ chinichini isibi uko me emen onyan̄ ya igak ubọk ewuukbe lek ikikaan̄.

• Ofifi Ofifi Irek: Ire ntitiin̄ kwun̄ ikisa cart ilook etip, teen̄ broshọ Nwọọn̄ Ugwem Re Mgbọ Geelek! gwook me inyọn̄ cart cha. Tumu nyi ebi ijejeen̄ ulọk ibe ke ema esibọkọ broshọ ya, ke menu inigọọk ema ikween̄ Baibul me ikike. Jeen̄ ubọk ebesa ikween̄ ikpa ya me mgbidim mgbọ ya, mè iyaka ire neen̄ irọrọ ikeya ofifi mgbọ. Ogwu okikpọ chieen̄ me lek ikwaan̄ uko mokọt ineen̄ ufuna ebi ikilook etip esi ere ekinyam ewe mè iyaka ire uwu ikwaan̄ me agan̄ kinyi esi esun̄ nkween̄mkpọ Baibul. Omokọt ibene ikween̄ Baibul melek ebi melek kwun̄ ekisi ikwaan̄, mè iyaka ire ebi owuukbe lek itumu ikọ Awaji inyi me mgbọ okakupbe me uko.

Jisọs inyi ida ibe mè eji esi erọ inyi ebi ene ‘ekana ebi udun̄ kan̄ mè ejeen̄ ema inu.’ (Mat 28:19, 20) Kè ilolook etip eyi osibi esese yi itap ubọk irọ ufuna eji esa ikpa Nwọọn̄ Ugwem Re Mgbọ Geelek! erọ ikwaan̄ yi etet.