ILULUK UGWEM KUBỌK EBI EYI KARAIS
“Ikekitumu Ikọ Me Ibot Ata Etip Mè Ikekirọ” Ata Etip Ya Inye
Mgbọ ebi ochicha esa ikpukput ebi Ijeren ibe ekayaka inama uwu mbuban, ema mitap efuuk isasa imun̄ ibe ke ebi mkpulu minyi ema unye isasa inama uwu ya. (Ejira 5:11-16) Ebi eyi Karais me chereyi mikaan̄ mbet lek ikwaan̄ yaage orere, ikekitumu ikọ me ibot ata etip mè ikekirọ ata etip inye. (Filip. 1:7) Eya orọ esan̄abe Agọọk Okikpọ Chieen̄ Me Lek Ikan isibi me ere ibot ikwaan̄ kiji me acha 1936. Me chereyi, Agọọk Okikpọ Chieen̄ Me Lek Ikan Me Ere Ibot Ikwaan̄ Kiji okineen̄ ike ekisa itumu ikọ me ibot ata etip me otutuuk linyọn̄ yi. Ike owa ke agọọk yi okisa ibieen̄ ikwaan̄ Ama Ubọọn̄ inye mè ikirọ ebi eyi Awaji oruru ni?
IKPỌ FIDIO IKWAAN̄ EBI IKIKPỌ CHIEEN̄ ME LEK IKAN ME ERE IBOT IKWAAN̄ EKIRỌ, MÈ IFỌỌK IDODO CHI:
-
Kpasi ufialek ofolek ikan ke Ebi Ata-Ikọ Jioba ekichichini?
-
Kpasi ntim-ngak ke eji ekaan̄? Kpa ge me lek
-
Keke ke eji ge ge eberọ isasa imun̄ ibe ke eji mekigọọk itumu ikọ me ibot ata etip mè ikirọ ata etip inye?
-
Owa me jw.org ke eji ebekọt imun̄ ukpatu ofolek ikọ echi okakaan̄ mgbaan̄ me lek ebi eyi Awaji mè erieen̄ Ebi Ata-Ikọ Jioba etapbe me mkpọn mije ichechieek kiban̄?
