Otutuuk ebi eyi Jioba mekọt irọ ikwaan̄ kpekọtbe iwuuk isa inyi Awaji. Kubọk ire ute ogwu omama nsabọn̄ kan̄, ikpobowuuk ata inu echi ema erọbe, Jioba ikakiwuuk ikwaan̄ kiji melek ima eji ekaan̄be me lek erieen̄ kan̄. (Mat 6:20; Iburu 6:10) Ire atikọ ibe ke unye melek irek kiji ikakire ikike. Ire, ire eji mitap efuuk mè isi ikwaan̄ inyi Jioba ike eji ekọtbe, eji mekọt ikaan̄ unwọọn̄. (Gal 6:4; Kọl 3:23) Me acha acha oraraka, obop obop bọn ute ibaan̄ mè irieen̄ misi ikwaan̄ me Bethel. Ire omokọt isan̄a lek isibi inisi ikwaan̄ me Bethel ni? Ire ikafet inyi owu, ire omokọt itap ene efuuk me owot ibe ikọt irọ me iyaka ire itap ubọk inyi ogwu okukup me Bethel ibe ikup inye ikisi ikwaan̄ me oniin̄ yi osisibi esese ni?

KPỌ FIDIO; SAN̄A LEK KWUN̄ SIBI GỌỌK SI IKWAAN̄ ME BETHEL, MÈ FỌỌK IDODO CHI OGỌGỌỌK:

• Kpasi inu obobieen̄ ene inye ibe esi ikwaan̄ me Bethel?

• Eke ke usini ebi ene etumu ofolek ugbana ema ekaan̄be inan̄a me isisi ikwaan̄ me Bethel?

• Eke ke eweek me ubọk ogwu obosi ikwaan̄ me Bethel?

• Ike owa ke obokọt isa itap ikpa me lek ikwaan̄ Bethel?