Ogwu ima kiji isikwu, ikpọchieen̄ njomo-me-mkpa okikat eji ejit. Ire, ijo mè mkpa mikikaan̄ mgbaan̄ me lek kiji. Baibul isa ijo melek mkpa itọt me lek ‘ekwut akpọk ile òchichit otutuuk ebi ido geelek.’ (Asaya 25:7, 8) Eyi ore inu ge orọrọ “otutuuk inu geelek Awaji orombe òkito mfi me irak uga ufialek kubọk nwa-owot uman okitet.” (Rom 8:22) Ike owa ke eji ebekọt ikime ufieejit eji ekikaan̄ mije ebi ima kiji ikwakwaan̄ mege ema mejomobe me mkpa? Usem Awaji iben onineen̄ echi obokọt itap ubọk inyi eji.

IKPỌ FIDIO MGBỌ OGWU IMA KWUN̄ ISIKWU, MÈ IFỌỌK IDODO CHI:

• Kpasi unaan̄ ke Danielle, Masahiro melek Yoshimi ekaan̄?

• Ike owa ke inu go ekpabe mkpọ ofolek me fidio ya osa itap ubọk inyi ema?

• Ekene ochubọk ikinyi eji ata ukarajit?—2 Kọr 1:3, 4