Niwipawseʼ Reʼgukʉngwasi Chusana iari niwikʉɉunʉnno
Eʼ ikʉ kwey nʉnkweʼri, Niwigowna, Jeuwá zaʼkinuga, nʉʼkin zaguzari reʼgúkʉya nʉnna ni. Ey ʉwameʼ, Edén ayʉnke zamʉ kwey ʉwaʼba awiri du zʉnaʼba íkʉseʼ kʉna una ni. Ey awiri, nikamʉ kwákʉchʉ aʼkusʉkwéy neyka aʼwe una ni (Génesis 1:28, 29; 2:8, 15). Niwipáw niwikʉreʼgukʉngwa niʼnʉndi, íkʉri tanʉ meʼzari kukwéy nanʉnno.
Ikʉ eʼ zánʉnri Niwipáw nʉkʉreʼgukuʼ nanʉngwa reʼgow una ni.
Bibriáseʼri, iʼngwi ánugwe du arunhuʼ neyka, Ikʉnusi, Niwipawseʼ reʼgukamʉ kʉnanʉn nuga du nanuʼ náy aʼchwana ni, yeyka ni. Íkʉri Niwipawseʼ kʉreʼgukuʼ ne nanʉnki, zeyzey aʼzari kukwéy nʉnní gwasi ey niʼna ni. Awanuʼ nʉnkwáykʉchʉ, ikʉ eʼ zanʉn, Adán awiri Ewa, Ikʉnusi twiré keyri Niwipáw aʼnoʼkuʼ nanʉngwa winniʼna ni (Génesis 3:1-6; Apocalipsis 12:9).
Jeuwá áykʉnʉ kʉnisi nʉkʉreʼgukuʼ nanʉngwa reʼgawʉn nusi, Adán awiri Ewa Paraísu awiri du aʼzari aʼkwa kukwéy kʉnanʉngwa nʉnnari anikizátikuma una ni (Génesis 3:17-19). Eméy winniʼnari, gʉmʉsinʉ winkʉnari nareʼri, waʼmʉ winipagwi una ni. Bibriaseʼ yeykari, Adán kʉzʉn unameʼ, «mikʉzanúkʉkwa neykari kaʼgʉ́mʉseʼ kinkuma una ni, iwa wíchʉkwa neykari mikʉzanúkʉkwa tinpárigwi kwakumana ni» (Romanos 5:12). Mikʉzʉn awkwa neykari, emeygwi niga ni: «Íkʉri iʼngeygwi zi azi waʼmʉ ʉnzʉn nuga ni» (Eclesiastés 8:9). Ikʉ gunti winʉnkʉreʼgukʉyeʼri, pin zʉnáy du zanuʼ neyka ni gwasi neyka ni.
IKɄ REʼGUKɄNPɄNNA
Nemrod Jeuwá áykʉnʉ kʉniʼna ni.
Bibriáseʼri eʼ ikʉ reʼgukʉnpʉnnari Nemrod nʉnna ni wásʉya ni. Ari Niwipawseʼ reʼgukamʉ kʉnʉna áykʉnʉ kʉnika una ni. Ey uye pari, sakuku ɉina du reʼgukuʼ nanʉn nuga ni. Sakuku Salomonseʼ aʼsanari: «Chʉwi aʼkúkumʉya neyka máwʉya chwakwin, ínʉseʼ kineki tanʉ aʼkusa awiza kuʼ narín. Eméy nigari ɉumamʉ kʉnʉna narín». Ema aʼkumi nʉnnari, 3.000 kʉgi ʉnzaniga ni (Eclesiastés 4:1).
Íwari, akingwi nari nakʉn nuga ni. Naciones Unidas-seʼ iʼngwi gaʼkʉnamʉ 2009seʼ aʼchunhánari, íkʉri sakuku du reʼgukuʼ nanʉn nugameʼ, «akwʉn nugáʼbari ikʉnha kawi du zanuʼ nari nakʉn nuga ni» winaʼzʉna ni, í aʼchunhana ni.
ɄNKɄRIWANɄKWAʼBA ZɄNIN
Kaʼgʉmʉseʼri du nari reʼguka awkwéy kʉnʉna kʉɉunʉn nuga ni. Eméy nikʉngwasi, Niwigownaseʼ unakʉngwa yana ni.
Chʉwi zanámʉri sakuku ingumʉ́n du neyka riwʉnaseʼ kineki kʉchunhakuʼ nari nakʉn nuga ni.
Niwipawri iʼngwi Sakuku ʉnkaʼguka awaki nuga ni. Ari ikʉ sakuku neykari ʉndeʼgukuʼ nanʉngwa reʼgow, «awiri a nʉʼkin áʼkwakin imaʼba kinki nanʉngwa ni» (Daniel 2:44). Ema Reʼgukʉngwa gwʉn, íkʉseʼ Niwipawseʼ winaʼsísʉya ni (Mateo 6:9, 10). Ey ʉweʼki, Niwipáw reʼgukʉn nukuʼ nanʉngwa ni. Ari ikʉ nari kwana neyka ʉnkaʼguka una ni. Ímari inʉ nanʉnno.
